രക്ഷിത് ഷെട്ടി നായകനായി എത്തുന്ന ഏറ്റവും പുതിയ കന്നഡ ചിത്രമായ ‘അവന്‍ ശ്രീമന്‍ നാരായണ’യുടെ തമിഴ് പോസ്റ്റർ റിലീസ് ചെയ്തു. അഞ്ച് ഭാഷകളിലായാണ് ചിത്രം പ്രദർശനത്തിന് എത്തുന്നത്. ചിത്രത്തില്‍ രക്ഷിത് ഷെട്ടി പോലീസ് ആയി വേഷമിടുന്നു. സച്ചിന്‍ രവിയാണ് ചിത്രത്തിൻ്റെ സംവിധാനം നിർവഹിച്ചിരിക്കുന്നത്.
തെലുങ്ക്, മലയാളം, തമിഴ്, ഹിന്ദി ഭാഷകളിലായി ചിത്രം ജനുവരി 3ന് പ്രദര്‍ശനത്തിന് എത്തും. ഷാന്‍വി ശ്രീവാസ്തവയാണ് ചിത്രത്തില്‍ നായികയായി എത്തുന്നത്. രണ്ടര വര്‍ഷത്തെ ഇടവേളയ്ക്കു ശേഷം രക്ഷിത് ഷെട്ടി അഭിനയിക്കുന്ന ചിത്രം കൂടിയാണിത്. പുഷ്‌കര്‍ ഫിലിംസിന്‍റെ ബാനറില്‍ എച്ച്‌. കെ. പ്രകാശ്, പുഷ്‌കര്‍ മല്ലികാര്‍ജുനന്‍ എന്നിവര്‍ ചേര്‍ന്നാണ് ചിത്രം നിര്‍മ്മിച്ചിരിക്കുന്നത്.
Content Highlight: Avan Sreeman Narayana movie Tamil poster released
