ആരാധകർ കാത്തിരിക്കുന്ന ദുൽഖർ സൽമാന്റെ പുതിയ ചിത്രം കുറിപ്പിൻറെ ഫസ്റ്റ് ലുക്ക് പോസ്റ്റർ പുറത്ത്. 34 വർഷമായി കേരളം തിരയുന്ന സുകുമാരക്കുറിപ്പിൻ്റെ കഥ പറയുന്ന ചിത്രമാണ് കുറുപ്പ്. പലനാടുകള്‍, പല നാളുകള്‍, പല രൂപങ്ങള്‍ എല്ലാം ഇവിടെ തുടങ്ങുന്നു എന്ന അടിക്കുറിപ്പോടെയാണ് ദുല്‍ഖര്‍ ഫസ്റ്റ്‌ലുക്ക് പോസ്റ്റർ ഫേസ്ബുക്കിലൂടെ പങ്കുവെച്ചത്. ഇന്നലെ ഫേസ് ബുക്കിൽ പങ്കുവെച്ച കുറുപ്പിന്റെ ആദ്യ ലുക്ക് ഇതിനോടകം തന്നെ സമൂഹ മാധ്യമങ്ങളില്‍ വൈറലായി കഴിഞ്ഞു.
ദുൽഖർ സൽമാൻ്റെ ആദ്യ ചിത്രമായ സെക്കൻ്റ് ഷോ സംവിധാനം ചെയ്തിരിക്കുന്ന ശ്രീനാഥ് രാജേന്ദ്രന്‍ ആണ് ഈ ചിത്രത്തിൻ്റേയും സംവിധായകൻ. ചിത്രത്തില്‍ ഇന്ദ്രജിത്ത്, ഷൈന്‍ ടോം ചാക്കോ തുടങ്ങി വന്‍ താര നിര തന്നെ അണിനിരക്കുന്നുണ്ട്.
നിമിഷ് രവി ഛായാഗ്രഹണം നിർവഹിക്കുന്ന ചിത്രത്തിൽ സുഷിന്‍ ശ്യാം ആണ് സംഗീതം ഒരുക്കിയിരിക്കുന്നത്. കമ്മാര സംഭവത്തിലൂടെ ദേശിയ പുരസ്‌കാരം നേടിയ വിനേഷ് ബംഗ്ലാന്‍ ആണ് ചിത്രത്തിന്റെ കലാസംവിധാനം നിർവഹിക്കുന്നത്. ദുൽഖറിൻ്റെ നിർമ്മാണ കമ്പനിയായ വേഫാറര്‍ ഫിലിംസും എം സ്റ്റാറും ചേര്‍ന്നാണ് ചിത്രം നിര്‍മ്മിക്കുന്നത്.
content highlights: kurup first look poster released
