സുഡാനി ഫ്രം നൈജീരിയക്ക് ശേഷം സക്കരിയ സംവിധാനം ചെയ്യുന്ന ഹലാല്‍ ലൌ സ്റ്റോറിയുടെ ഫസ്റ്റ് ലുക്ക് പോസ്റ്റര്‍ പുറത്ത്. ഇന്ദ്രജിത് സുകുമാരന്‍, ജോജു ജോര്‍ജ്, സൌബിന്‍ ഷാഹിര്‍, പാര്‍വതി തിരുവോത്ത് എന്നിവർ ചിത്രത്തിൽ പ്രധാന വേഷത്തിൽ എത്തും. ഇവരെ കൂടാതെ ഗ്രേസ് ആന്‍റണി, ഷറഫുദ്ദീന്‍, അഭിരാം തുടങ്ങി നിരവധി താരങ്ങള്‍ ചിത്രത്തില്‍ അണിനിരക്കുന്നുണ്ട്.
ആഷിക് അബുവും ജെസ്ന ആഷിമും ഹര്‍ഷാദ് അലിയുമാണ് ചിത്രത്തിൻ്റെ നിർമ്മാതാക്കൾ. സുഡാനി ഫ്രം നൈജീരിയയുടെ തിരക്കഥ തയാറാക്കിയ മുഹ്സിന്‍ പരാരിയും സംവിധായകന്‍ സക്കരിയയും ചേര്‍ന്ന് തന്നെയാണ് ഹലാല്‍ ലൌ സ്റ്റോറിയും എഴുതിയിരിക്കുന്നത്. കുമ്പളങ്ങി നൈറ്റ്സിലൂടെ ശ്രദ്ധേയയായ ഗ്രേസ് ആന്റണിയാണ് നായികയായി എത്തുന്നത്.
2020 ഏപ്രിലിൽ ചിത്രം റിലീസ് ചെയ്യുമെന്നാണ് പ്രതീക്ഷിക്കുന്നത്. ബിജിപാലും ഷഹബാസ് അമനും ചേര്‍ന്നാണ് സംഗീതം. സക്കരിയയുടെ രണ്ടാമത്തെ ചിത്രമാണ് ഇത്. ആദ്യ ചിത്രമായ സുഡാനി ഫ്രം നൈജീരിയക്ക് മികച്ച മലയാള സിനിമക്കുള്ള ദേശീയ പുരസ്കാരമടക്കം നിരവധി അവാർഡുകൾ ലഭിച്ചിട്ടുണ്ട്.
content highlights : first look poster of halal love story released
