കുചേലനായി വേറിട്ട ഗെറ്റപ്പിൽ ജയറാം; ‘നമോ’ ഫസ്റ്റ് ലുക്ക് പോസ്റ്റര്‍ റിലീസ് ചെയ്തു
ജയറാം ആദ്യമായി അഭിനയിക്കുന്ന സംസ്‌കൃത സിനിമയുടെ ഫസ്റ്റ് ലുക്ക് പോസ്റ്റര്‍ റിലീസ് ചെയ്തു. വിജീഷ് മണി സംവിധാനം ചെയ്യുന്ന ചിത്രത്തിന് ‘നമോ’ എന്നാണ് പേരു നൽകിയിരിക്കുന്നത്. 101 മിനിറ്റാണ് സിനിമയുടെ ദൈര്‍ഘ്യം.
സംസ്കൃതഭാഷ മാത്രം ഉപയോഗിച്ചുള്ള സിനിമ എന്നതാണ് നമോയുടെ പ്രത്യേകത. കിടിലന്‍ മേക്കോവറില്‍ പുതിയ ഗെറ്റപ്പിലാണ് താരം എത്തുന്നത് മൊട്ടയടിച്ച്, ശരീര ഭാരം 20 കിലോ കുറച്ചാണ് ജയറാം കുചേലനായത്. ലോകനാഥനാണ് ചിത്രത്തിൻറെ ക്യാമറ ഒരുക്കിയിരിക്കുന്നത്. ആറ് ദേശീയ അവാര്‍ഡുകള്‍ കരസ്ഥമാക്കിയിട്ടുള്ള ബി. ലെനിനാണ് ചിത്രത്തിൻറെ എഡിറ്റര്‍. മമ നയാന്‍, സര്‍ക്കര്‍ ദേശായി, മൈഥിലി ജാവേദ്കര്‍, രാജ് തുടങ്ങിയവരാണ് ചിത്രത്തിലെ മറ്റു പ്രധാന കഥാപാത്രങ്ങളെ അവതരിപ്പിക്കുന്നത്.
Content highlight; Namo New Movie First Look Jayaram As Kuchelan
