തട്ടാശ്ശേരി കൂട്ടം; ഫസ്റ്റ് ലുക്ക് പോസ്റ്റര്‍ റിലീസ് ചെയ്തു
ഗ്രാന്‍ഡ് പ്രൊഡക്ഷൻറെ ബാനറില്‍ ദിലീപ് നിര്‍മിച്ച്‌ സഹോദരന്‍ അനൂപ് സംവിധാനം ചെയ്യുന്ന തട്ടാശ്ശേരി കൂട്ടത്തിൻറെ ഫസ്റ്റ് ലുക്ക് പോസ്റ്റര്‍ പുറത്തിറങ്ങി. സന്തോഷ് ഏച്ചിക്കാനത്തിൻറെ തിരക്കഥയിലാണ് അനൂപിൻറെ ആദ്യ ചിത്രം ഒരുങ്ങുന്നത്. യുവതാരങ്ങള്‍ക്ക് പ്രാമുഖ്യം നല്‍കി ഒരുക്കിയ ചിത്രമാണിത്.
അര്‍ജുന്‍ അശോകനാണ് ചിത്രത്തില്‍ പ്രധാന വേഷം കൈകാര്യം ചെയ്യുന്നത്. ഗ്രാന്‍ഡ് പ്രൊഡക്ഷന്‍സിൻറെ ബാനറില്‍ ദിലീപ് നിര്‍മ്മിക്കുന്ന ഒന്‍പതാമത്തെ ചിത്രം ആണിത്. ഗണപതി, അനീഷ്, അല്ലു അപ്പു, സിദ്ധിഖ്, വിജയരാഘവന്‍, കോട്ടയം പ്രദീപ്, പ്രിയംവദ, ശ്രീലക്ഷമി, ഷൈനി സാറ എന്നിവരാണ് ചിത്രത്തിലെ മറ്റ് താരങ്ങള്‍.
ഛായാഗ്രഹണം ജിതിന്‍ സ്റ്റാന്‍സിലോവ്സ്. രാജീവ് നായര്‍, സഖി എല്‍സ എന്നിവരുടെ വരികള്‍ക്ക് ശരത്ത് ചന്ദ്രന്‍ സംഗീതം പകരുന്നു.
