അടി കപ്യാരെ കൂട്ടമണി’ക്ക് ശേഷം എ.ജെ. വര്‍ഗീസ് സംവിധാനം ചെയ്യുന്ന കോമഡി എൻ്റെർടൈനർ ‘ ഉറിയടി’ചിത്രത്തിൻ്റെ ട്രെയിലര്‍ പുറത്തിറങ്ങി. ശ്രീനിവാസന്‍, അജു വര്‍ഗ്ഗീസ്, ബിജുക്കുട്ടന്‍, മാനസ രാധാകൃഷ്ണന്‍ എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്. തിരുവനന്തപുരം നഗരത്തിലുള്ള ഒരു പോലീസ് ക്വാര്‍ട്ടേഴ്‌സും അവിടുത്തെ താമസക്കാരുമായി ബന്ധപ്പെട്ട് നടക്കുന്ന രസകരമായ സംഭവങ്ങളാണ് ചിത്രത്തിൽ.
സിദ്ദിഖ്, ബൈജു, ഇന്ദ്രന്‍സ്, പ്രേംകുമാര്‍, സുധി കോപ്പ, നോബി, വിനീത് മോഹന്‍, ശ്രീജിത്ത് രവി, ബാലാജി ശര്‍മ്മ, കോട്ടയം പ്രദീപ് തുടങ്ങിയവരാണ് ഉറിയടിയിലെ മറ്റ് പ്രധാന താരങ്ങൾ. ചിത്രത്തിന്റെ തിരക്കഥയും സംഭാഷണവും നിർവ്വഹിച്ചിരിക്കുന്നത് ദിനേശ് ദാമോദരനാണ്. ജെമിന്‍ ജെ അയ്യനേത്താണ് ഛായാഗ്രഹണം. അനില്‍ പനച്ചൂരാന്‍, ബി കെ ഹരിനാരായണന്‍ എന്നിവരുടെ വരികൾക്ക് ഇഷാന്‍ ദേവ് സംഗീതം പകരുന്നു. കോമഡി-ഡ്രാമ ഇനത്തിൽപെട്ട ചിത്രം ‘ഉറിയടി’ ജനുവരി 17- ന് തിയറ്ററുകളിലെത്തും.
content highlights: uriyadi movie trailer released
