സഞ്ജയ് ലീല ബൻസാലി ആലിയയെ നായികയാക്കി ഒരുക്കുന്ന ഏറ്റവും പുതിയ ബോളിവുഡ് ചിത്രമാണ് ഗാംഗുബായ്. ചിത്രത്തിൻറെ ഫസ്റ്റ് ലുക് പോസ്റ്റർ പുറത്തിറങ്ങി. മുംബൈയിലെ കാമാത്തിപുരയിലെ ഗംഗുബായ് എന്ന മാഫിയ അംഗമായ സ്ത്രീ ആയിട്ടാണ് ആലിയ ചിത്രത്തിൽ എത്തുന്നത്. സഞ്ജയ് ലീല ബൻസാലിയും, പ്രകാശും ചേർന്നാണ് ചിത്രത്തിന് തിരക്കഥ ഒരുക്കുന്നത്.വിജയ് റാസ്‌ ആണ് ചിത്രത്തിൽ മറ്റൊരു പ്രധാന കഥാപാത്രത്തെ അവതരിപ്പിക്കുന്നത്.
പോസ്റ്ററിൽ വ്യത്യസ്ത ഗെറ്റപ്പുകളിലാണ് ആലിയ പ്രത്യക്ഷപ്പെടുന്നത്. ശക്തമായ സ്ത്രീ കഥാപാത്രമാണ് ആലിയയുടേതെന്ന് ഇതില്‍ നിന്നും വ്യക്തമാണ്. ചതിയിലകപ്പെട്ട് കാമാത്തിപ്പുരയിൽ എത്തുകയും ലൈംഗികത്തൊഴിൽ ചെയ്യുകയും പിന്നീട് കാമാത്തിപുരയെ അടക്കി ഭരിക്കുന്ന നേതൃസ്ഥാനത്തേക്ക് എത്തുകയും ചെയ്ത ഗംഗുബായ് എന്ന കഥാപാത്രത്തെയാണ് ആലിയ അവതരിപ്പിക്കുന്നത്.
ഹുസൈന്‍ സെയ്ദിയുടെ മാഫിയ ക്യൂന്‍സ് ഓഫ് മുംബൈ എന്ന നോവലിനെ അടിസ്ഥാനാമാക്കിയാണ് ചിത്രം ഒരുങ്ങുന്നത്. സഞ്ജയ് ലീല ബൻസാലി തന്നെയാണ് ചിത്രത്തിന് സംഗീതം ഒരുക്കുന്നത്.
Content highlights: new Bollywood movie gangubai first look poster has been released
