മലയാളത്തിൻ്റെ പ്രിയ നടൻ സിജു വിൽസൺ നായകനാകുന്ന പുതിയ ചിത്രമായ ‘വരയന്‍’ ഫസ്റ്റ് ലുക്ക് പുറത്തിറങ്ങി. പ്രേമം, ഹാപ്പി വെഡ്ഡിങ് തുടങ്ങിയ ചിത്രങ്ങളിലൂടെ പ്രേക്ഷക ഹൃദയം കവർന്ന നടനാണ്
സിജു. മാർക്കോണി മത്തായി എന്ന ചിത്രത്തിനു ശേഷം സത്യം സിനിമാസിൻറെ ബാനറിൽ എ ജി പ്രേമചന്ദ്രൻ നിർമിക്കുന്ന ചിത്രമാണ് വരയൻ. നടി മഞ്ജു വാര്യറിൻ്റെ ഫേസ്ബുക്ക് പേജിലൂടെയാണ് ഫസ്റ്റ് ലുക്ക് പുറത്തുവിട്ടിരിക്കുന്നത്.
നവാഗതനായ ജിജോ ജോസഫ് ആണ് ചിത്രം സംവിധാനം ചെയ്യുന്നത്. മായാനദി, അതിരൻ, ഇഷ്ക്, വെെറസ് തുടങ്ങിയ ചിത്രത്തിൽ പ്രേക്ഷകരുടെ ശ്രദ്ധ പിടിച്ചു പറ്റിയ ലിയോണ ലിഷോയാണ് നായികയായി എത്തുന്നത്. മണിയൻപിള്ള രാജു, വിജയരാഘവൻ, ജോയ് മാത്യു, ബിന്ദു പണിക്കർ എന്നിവർ പ്രധാന വേഷത്തിൽ എത്തുന്നു. ഇവരോടൊപ്പം ജയശങ്കർ, ജൂഡ് ആന്‍റണി, അരിസ്റ്റോ സുരേഷ്, ആദിനാഥ് ശശി, എഴുപുന്ന ബൈജു, ഡാവിഞ്ചി തുടങ്ങിയവരും ചിത്രത്തിലുണ്ട്.
ഡാനി കപ്പൂച്ചിന്‍ തിരക്കഥ-സംഭാഷണമെഴുതുന്ന ചിത്രത്തിന്‍റെ ഛായാഗ്രഹണം രജീഷ് രാമന്‍ ആണ് നിര്‍വഹിക്കുന്നത്.
അച്ചൻ വേഷത്തിൽ വേറിട്ട ഗെറ്റപ്പിലെത്തുന്ന സിജു വിൽസണാണ് പോസ്റ്ററിലുള്ളത്.
content highlights : first look poster of varayan released
