കൊടുംകാട്ടില്‍ അകപ്പെട്ട യുവതിയുടെ കഥ പറയുന്ന ‘അതോ അന്ത പറവൈ പോല’ എന്ന ചിത്രത്തിൻറെ ട്രെയിലർ പുറത്തിറങ്ങി. വേറിട്ട കഥാപാത്രങ്ങൾ തെരഞ്ഞെടുത്ത്‌ ആരാധകരെ ഞെട്ടിക്കുന്ന അമല പോളിൻറെ പുതിയ ചിത്രം കൂടിയാണിത്. ചിത്രത്തിൻറെ ട്രെയിലർ സമൂഹമാധ്യമങ്ങളിലൂടെയാണ് റിലീസ് ചെയ്തത്. ചിത്രം ഒരു അഡ്വഞ്ചര്‍ ത്രില്ലറാണ്.
കെ ആർ വിനോദ് ആണ് ചിത്രം സംവിധാനം ചെയ്യുന്നത്. കാടിൻറെ വന്യതയും അമലയുടെ പ്രകടനവും സിനിമയിൽ സവിശേഷമായി ചിത്രീകരിക്കുന്നു. സമീർ കൊച്ചാർ, ആശിഷ് വിദ്യാർഥി, സുപ്രീം സുന്ദർ എന്നിവരാണ് ചിത്രത്തിൽ മറ്റ് കഥാപാത്രങ്ങളെ അവതരിപ്പിക്കുന്നത്. അരുൺ രാജഗോപാലാണ്‌ രചന. സംഗീതം ജേക്‌സ് ബിജോയ്. ഛായാഗ്രഹണം സി.ശാന്തകുമാര്‍. എഡിറ്റിംഗ് ജോണ്‍ എബ്രഹാം. സംഘട്ടനം സുപ്രീം സുപ്രീം സുന്ദര്‍. സെഞ്ചുറി ഇൻ്റര്‍നാഷണല്‍ ഫിലിംസിന്റെ ബാനറില്‍ ജോണ്‍സ് ആണ് നിര്‍മ്മാണം.
content highlights: The trailer of the Tamil film titled ‘adho andha paravai pola’ released
