ഫഹദ് ഫാസിലിനെ നായകനാക്കി മഹേഷ് നാരായണൻ ഒരുക്കുന്ന ചിത്രം സീ യു സൂൺ ട്രെയിലർ പുറത്ത്. ആമസോൺ പ്രൈം വഴി സെപ്റ്റംബർ ഒന്നിനാണ് ചിത്രം റിലീസ് ചെയ്യുന്നത്. ദർശന രാജേന്ദ്രൻ, റോഷൻ മാത്യു, മാലാ പാർവ്വതി എന്നിവരാണ് ചിത്രത്തിലെ മറ്റ് പ്രധാന കഥാപാത്രങ്ങൾ. ഫഹദും നസ്രിയയും ചേർന്നാണ് ചിത്രത്തിന്റെ നിർമ്മാണം നിർവഹിക്കുന്നത്.
തിരക്കഥയും എഡിറ്റിംങ്ങും വിർച്ച്വൽ സിനിമാറ്റോഗ്രാഫിയും കൈകാര്യം ചെയ്യുന്നത് സംവിധായകൻ തന്നെയാണ്. ടേക്ക് ഓഫ്, മാലിക് എന്നീ ചിത്രങ്ങൾക്ക് ശേഷം ഫഹദും മഹേഷ് നാരായണനും ഒന്നിക്കുന്ന ചിത്രം കൂടിയാണിത്. ഫഹദ് ഫാസിലിൻ്റെ വീട് ഉൾപെടെ ലോക്കേഷനാക്കി ക്രൂ ഇല്ലാതെ ചുരുങ്ങിയ ഇൻഡോർ ലോക്കേഷനുകളിലുമായി പൂർത്തിയാക്കിയ പരീക്ഷണ ചിത്രം കൂടിയാണിത്. ഒന്നര മണിക്കൂർ ദൈർഘ്യമുള്ള ചിത്രം പൂർണമായും ഐ ഫോണിലാണ് ചിത്രീകരിച്ചിരിക്കുന്നത്.
Content Highlights; fahadh movie c u soon trailer released
