ധ്യാന്‍ ശ്രീനിവാസനും ഗോഗുല്‍ സുരേഷും ഒന്നിക്കുന്ന പുതിയ ചിത്രമാണ് ‘സായാഹ്ന വാര്‍ത്തകള്‍’. ചിത്രത്തിന്റെ ട്രെയിലർ പുറത്ത് വിട്ടു.നവാഗതനായ അരുണ്‍ ചന്തു സംവിധാന ചെയ്ത ചിത്രത്തിന് തിരക്കഥ രചിച്ചിരിക്കുന്നത് സംവിധായകൻ അരുൺ,സച്ചിൻ ആർ നായർ, രാഹുൽ മേനോൻ എന്നിവ ചേർന്നാണ്.
പുതുമുഖം ശരണ്യ ശര്‍മ്മ നായിക.അജു വര്‍ഗീസ്, വിനയ് ഗോവിന്ദന്‍, മകരന്ദ് ദേശ് പാണ്ഡെ, ഇന്ദ്രന്‍സ്, ഇര്‍ഷാദ് , ആനന്ദ് മന്മദന്‍ എന്നീ താരങ്ങള്‍ ചിത്രത്തില്‍ അണിനിരക്കുന്നുണ്ട്. വ്യത്യസ്ത പ്രമേയവുമായാണ് ചിത്രം ഒരുങ്ങുന്നത്. ആക്ഷേപഹാസ്യ സ്വഭാവമുള്ള ചിത്രമാണെന്ന സൂചനയാണ് ട്രെയിലർ നൽകുന്നത്. ചിത്രത്തിന്റെ നിര്‍മാണം ഡി14 എന്റര്‍ടെയ്ന്‍മെന്റ്സ് ആണ്.
Content Highlights; sayahna varthakal new movie trailer
