ചണ്ഡിഗഡിലെ ഗുരുഗ്രാമിൽ 25കാരിയെ നാല് പേർ ചേർന്ന് കൂട്ടബലാത്സംഗത്തിന് ഇരയാക്കി. ക്രൂരമായി മർദ്ദിക്കുകയും തലയ്ക്കടക്കം മാരക പരിക്കേൽപ്പിക്കുകയും ചെയ്തു. ഞായറാഴ്ച പുലർച്ചെ ഗുഡ്ഗാവിലെ ഡിഎൽഎഫ് ഫേസ്2വിലാണ് സംഭവം. 20നും 25നുമിടയിൽ പ്രായമുള്ള നാല് പ്രതികളിൽ മൂന്ന് പേർ ഡെലിവറി ബോയ്സ് ആണ്.
പ്രതികളിലൊരാൾ സിക്കന്തർപൂർ മെട്രോ സ്റ്റേഷന് സമീപം വച്ച് യുവതിയെ കാണുകയും ഒരു റിയൽ എസ്റ്റേറ്റ് ഏജൻ്റിൻ്റെ ഓഫീസിലേക്ക് കൊണ്ടുപോവുകയുമായിരുന്നു . ഇവിടെ വെച്ചാണ് നാല് പേർ ചേർന്ന് യുവതിയെ ക്രൂരമായി പീഡിപ്പിക്കുന്നത്. യുവതിയുടെ തല ചുമരിലിടിപ്പിച്ച് പരിക്കേൽപ്പിച്ചിരുന്നു. ഓഫീസ് കോപ്ലക്സിലെ സെക്യൂരിറ്റി ഗാർഡാണ് പൊലീസിനെ വിവരം അറിയിച്ചത്. സംഭവം നടന്ന് മണിക്കൂറുകൾക്കകം എല്ലാ പ്രതികളേയും അറസ്റ്റ് ചെയ്തുവെന്ന് പൊലീസ് അറിയിച്ചു. യുവതിയുടെ നില ഗുരുതരമായി തുടരുകയാണ്.
content highlights: 25-Year-Old Woman Gang-Raped, Brutally Beaten Up In Gurgaon: Police
