സുഡാനി ഫ്രം നെെജീരിയയുടെ സംവിധായകൻ സക്കരിയായുടെ രണ്ടാമത്തെ ചിത്രമായ ഹലാൽ ലവ് സ്റ്റോറി ആമസോൺ പ്രെെമിലൂടെ ഒക്ടോബർ 15ന് റിലീസ് ചെയ്യും. ഇന്ദ്രജിത്ത് സുകുമാരൻ, ഗ്രേസ് ആൻ്റണി എന്നിവർ പ്രധാന കഥാപാത്രങ്ങളായി എത്തുന്ന ചിത്രത്തിൻ്റെ മോഷൻ പോസ്റ്റർ പുറത്തുവിട്ടു. പാർവതി തിരുവോത്ത്, സൌബിൻ ഷാഹിർ, ജോജു ജോർജ്ജ്, ഷറഫുദ്ദീൻ എന്നിവരും ചിത്രത്തിൽ അഭിനയിക്കുന്നുണ്ട്.
ഒപിഎം സിനിമാസ്, പപ്പായ ഫിലിംസ്, അവർ ഹുഡ് എന്നീ ബാനറുകളിൽ ആഷിക് അബു, മുഹ്സിന്‍ പരാരി, സക്കരിയ, ജെസ്‌ന ആഷിം, ഹര്‍ഷാദ് അലി, സൈജു ശ്രീധരന്‍, അജയ് മേനോന്‍ എന്നിവരാണ് സിനിമ നിര്‍മ്മിക്കുന്നത്. സംവിധായകൻ സക്കറിയയും മുഹ്സിൻ പരാരിയും ചേർന്നാണ് ചിത്രത്തിന് തിരക്കഥ ഒരുക്കിയിരിക്കുന്നത്. ബിജിപാൽ, ഷഹബാസ് അമൻ, റെക്സ് വിജയൻ എന്നിവർ ചേർന്നാണ് ഗാനങ്ങൾ ഒരുക്കിയിരിക്കുന്നത്.
content highlights: Halal love story motion poster released
