സുഡാനി ഫ്രെെം നെെജീരിയുടെ സംവിധായകൻ സക്കറിയ സംവിധാനം ചെയ്യുന്ന രണ്ടാമത്തെ ചിത്രം ഹലാൽ ലൗ സ്റ്റോറിയുടെ ട്രെയിലർ പുറത്തുവിട്ടു. ആമസോൺ പ്രെെം വീഡിയോയാണ് ട്രെയിലർ പുറത്തുവിട്ടത്. ഇന്ദ്രജിത്ത് സുകുമാരൻ, ഗ്രേസ് ആൻ്റണി, ജോജു ജോർജ്, ഷറഫുദ്ദീൻ എന്നിവരോടൊപ്പം മറ്റു കഥാപാത്രങ്ങളായി പാർവതി തിരുവോത്ത്, സൌബിൻ ഷാഹിർ, എന്നിവരും എത്തുന്നു.
ഒപിഎം സിനിമാസ്, പപ്പായ ഫിലിംസ്, അവർ ഹുഡ് എന്നീ ബാനറുകളിൽ ആഷിക് അബു, മുഹ്സിന്‍ പരാരി, സക്കരിയ, ജെസ്‌ന ആഷിം, ഹര്‍ഷാദ് അലി, സൈജു ശ്രീധരന്‍, അജയ് മേനോന്‍ എന്നിവരാണ് സിനിമ നിര്‍മ്മിക്കുന്നത്. സംവിധായകൻ സക്കറിയയും മുഹ്സിൻ പരാരിയും ചേർന്നാണ് ചിത്രത്തിന് തിരക്കഥ ഒരുക്കിയിരിക്കുന്നത്. ബിജിപാൽ, ഷഹബാസ് അമൻ, റെക്സ് വിജയൻ എന്നിവർ ചേർന്നാണ് ഗാനങ്ങൾ ഒരുക്കിയിരിക്കുന്നത്.
ആമസോൺ പ്രെെം വീഡിയോയിലൂടെ ഇന്ത്യയിലും മറ്റ് 200 രാജ്യങ്ങളിലുമായി ഒക്ടോബർ 15ന് ചിത്രം റിലീസ് ചെയ്യും. തെലുങ്ക്, തമിഴ്, മലയാളം, കന്നട എന്നി ഭാഷകളിൽ ചിത്രം കാണാൻ കഴിയും.
content highlights: Halal love story trailer out
