നടൻ ഇടവേള ബാബു ഒരു ചാനൽ ചർച്ചയിൽ നടത്തിയ പരാമർശവും നടി പാർവതി തിരോവത്ത് താരസംഘടനയായ അമ്മയിൽ നിന്നും രാജി വെച്ചതുമായ സംഭവങ്ങൾ കഴിഞ്ഞ രണ്ട് ദിവസങ്ങളായി മലയാള സിനിമയിൽ വലിയ ചർച്ചകൾക്കാണ് വഴിവെച്ചത്. വിഷയത്തിൽ ശക്തമായ നിസപാട് സ്വീകരിച്ച പാർവതി രേവതി, പദ്മപ്രിയ എന്നിവർ കഴിഞ്ഞ ദിവസം ഒരു ചാനൽ ചർച്ചയിൽ പങ്കെടുത്തിരുന്നു. ഇതിനെ പിന്തുണച്ചും വിമർശിച്ചും നിരവധി പ്രമുഖരടക്കം രംഗത്തെത്തിയിരുന്നു. എന്നാൽ ഇതിനെതിരെ നടൻ ആദിത്യൻ ജയൻ പാർവതിയെ വിമർശിച്ച് സോഷ്യൽ മീഡിയയിൽ പങ്കു വെച്ച കമന്റാണ് വിവാദമാകുന്നത്. ഇടവേള ബാബു എന്താണ് തെറ്റു പറഞ്ഞതെന്നും ഇവർക്കൊക്കെ എല്ലിന്റെ ഇടയിൽ കുത്തലാണെന്നുമായിരുന്നു പാർവതിയെ വിമർശിച്ചു കൊണ്ടുള്ള ആദിത്യന്റെ കമന്റ്.
“നിനക്ക് ഒക്കെ എല്ലിന്റെ ഇടയിൽ കുത്തലാണ്. നിനക്കൊക്കെ വേണ്ട ക്യാഷ് അക്കൗണ്ടിൽ ഉണ്ട്. നിന്റെ ഒക്കെ പാത്രം കഴുകൽ മുതൽ ലൈറ്റ് പിടിക്കുന്ന കുറേപ്പേര് ഉണ്ട് ഇവിടെ പട്ടിണിയാണ് ജോലി ഇല്ലാതെ,ഇതിനൊക്കെ ഒരു ചർച്ച വയ്ക്കരുത്. ഇവർക്ക് വേറെ എന്തോ പ്രശ്നങ്ങൾ ഉണ്ട്!ഈ നാല് പേർക്ക് വേറെ എന്തോ പ്രശ്നങ്ങൾ ഉണ്ട് ഇടവേള ബാബു എന്താണ് തെറ്റുപറഞ്ഞത്. നികേഷിനെ പോലെ കുന്നായ്മ മാധ്യമപ്രവർത്തകൻ ഉണ്ടാക്കിയ ഒരു ഇഷ്യൂ മാത്രമാണ് ഇത്,ഒരു സംഘടന വിട്ടു പോയവരെ എങ്ങനെ സംഘടന പ്രൊഡ്യൂസ് ചെയ്യുന്ന സിനിമയിൽ ഉൾപ്പെടുത്തും പിന്നെ ആ നടിക്ക് ഇല്ലാത്ത എന്ത് ബുദ്ധിമുട്ട് ആണ് നിങ്ങൾക്കു ഉള്ളത്, നിങ്ങൾ ഒരു കാര്യം ചെയ്യൂ! ഒരു പുതിയ സംഘടന ഉണ്ടാക്ക് അമ്മയ്ക്കു പകരം “അച്ഛൻ”അതിനു തലപ്പത്തു നിങ്ങൾ കയറി ഇരിക്ക് നിങ്ങൾക്കു വേണ്ടത് അതാണ്,നിങ്ങൾ പ്രോബ്ലം ക്രിയേറ്റേഴ്സ് അതുകൊണ്ടു ആരും മൈൻഡ് ചെയ്യില്ല,ഫസ്റ്റ് സ്വന്തം ഫാമിലിയിൽ വില ഉണ്ടാക്കിയെടുക്കു,നിങ്ങൾക്ക് ദിലീപിനെ പുറത്താക്കാൻ പറഞ്ഞു അദ്ദേഹം അതിനു മുന്നേ രാജി വെച്ച് പോയി,നിങ്ങൾക്കു ഇനി എന്ത് വേണം.ഭാവിയിലെ ഭാഗ്യലക്ഷ്മിമാർ!..”
എന്നാണ് നടൻ കമന്റു ചെയ്തത്. ഇതിനെ അംഗീകരിച്ചും പ്രതിഷേധം അറിയിച്ചു കൊണ്ടുള്ളതുമായ നിരവധി കമന്റുകളും ഇപ്പോൾ സോഷ്യൽ മീഡിയയിൽ നിറയുന്നുണ്ട്.
Content Highlights; actor aadhithya jayaram against parvathy
