കുപ്രസിദ്ധ സിനിമ പെെറസി വെബ്സെെറ്റായ തമിഴ്റോക്കേഴ്സ് പൂട്ടിച്ചു. ആമസോൺ ഇൻ്റർനാഷണൽ നൽകിയ പരാതിയിലാണ് ഇൻ്റർനെറ്റ് കോർപ്പറേഷൻ ഫോർ അസ്സെെൻഡ് നെയിംസ് ആൻഡ് നമ്പേഴ്സ് രജിസ്ട്രിയിൽ നിന്ന് തമിഴ് റോക്കേഴ്സിനെ നീക്കിയത്. ഇതോടെ സെെറ്റ് അപ്രത്യക്ഷമാവുകയായിരുന്നു. ഡിജിറ്റൽ മില്ലേനിയം കോപ്പി റ്റെെറ്റ് ആക്ട് മുൻനിർത്തിയാണ് പരാതി നൽകിയത്.
അതേസമയം ബ്ലോക്ക് ചെയ്യപ്പെടുമ്പോഴെല്ലാം ഡൊമെെനുകൾ നിരന്തരം പുതിയ ലിങ്കുകളിലേക്ക് മാറ്റി പ്രത്യക്ഷപ്പെടുന്ന സെെറ്റാണിത്. ഇതിനാൽ വെെകാതെ തന്നെ വെബ്സെെറ്റ് ലഭ്യമായേക്കുമെന്നാണ് സൂചന. ആമസോൺ പ്രെെം ഇന്ത്യ അടുത്തിടെ റിലീസ് ചെയ്ത നിശബ്ദം, പുത്തൻ പുതു കാലെെ എന്നിവ തമിഴ് റോക്കേഴ്സ് പോസ്റ്റ് ചെയ്തിരുന്നു. ഏറ്റവും പുതിയ ചിത്രങ്ങളുടെ പകർപ്പുകൾ അപ്ലോഡ് ചെയ്താണ് തമിഴ് റോക്കേഴ്സ് പ്രസിദ്ധമായത്. തമിഴ്, മലയാളം, ഇംഗ്ലീഷ്. തെലുങ്ക്, കന്നഡ ചിത്രങ്ങളുടെ പെെറേറ്റഡ് കോപ്പികൾ തുടർച്ചയായി ഇവിടെ അപ്ലോഡ് ചെയ്യാറുണ്ട്.
വെബ്സെെറ്റ് പൂട്ടിക്കാൻ പല ഭാഗത്തു നിന്നും ശ്രമങ്ങളുണ്ടായിട്ടും ഇതുവരെ വിജയിച്ചിരുന്നില്ല. തിങ്കളാഴ്ച വെെകിട്ട് മുതൽ സെെറ്റ് ലഭ്യമാകാതിരുന്നതോടെയാണ് അടച്ചുപൂട്ടിയെന്ന റിപ്പോർട്ട് വന്നുതുടങ്ങിയത്. ആമസോണ്‍ ഇൻ്റര്‍നാഷണലിൻ്റെ റിപ്പോര്‍ട്ടുകളെ തുടര്‍ന്നാണിതെന്ന വിവരവും പുറത്തുവരികയായിരുന്നു.
content highlights: Piracy website Tamilrockers completely blocked
