നയൻതാര നായികയായി എത്തുന്ന മൂക്കുത്തി അമ്മൻ ഒടടി റിലീസിന് ഒരുങ്ങുന്നു. ഡിസ്നി പ്ലസ് ഹോട്ട്സ്റ്റാറിലൂടെ ദീപാവലിക്ക് ചിത്രം പ്രദർശത്തിനെത്തും. ചിത്രത്തിൽ ടെെറ്റിൽ കഥാപാത്രമായ മൂക്കുത്തി അമ്മനായാണ് നയൻതാര എത്തുന്നത്. ബാലാജിയും എൻ.ജെ ശരവണനും ചേർന്ന് സംവിധാനം ചെയ്യുന്ന ചിത്രത്തിൽ സ്മ വെങ്കട്ട്, ഉർവശി, അജയ് ഘോഷ്, ഇന്ദുജ രവിചന്ദ്രൻ എന്നിവരും അഭിനയിക്കുന്നുണ്ട്.
இந்த வருஷம் தீபாவளிக்கு மூக்குத்தி அம்மன் வருகிறாள்..! 🙏#MookuthiAmman #DiwaliRelease on Disney Plus Hotstar Vip..! ❤️ pic.twitter.com/Vefv0NPhHl
— RJ Balaji (@RJ_Balaji) October 23, 2020
നയൻതാര ചിത്രം കൂടാതെ തെന്നിന്ത്യയിൽ നിന്നുള്ള നിരവധി വെബ് സീരിസുകൾ ഡിസ്നി പ്ലസ് ഹോട്സ്റ്റാറിൽ റിലീസിന് ഒരുങ്ങുന്നുണ്ട്. കാജൽ അഗർവാൾ, തമന്ന ഭാട്ടിയ എന്നിവരുടെ വെബ് സീരിസുകളും ഹോട്ട്സ്റ്റാറിലാണ് റിലീസ് ചെയ്യുന്നത്. കാജൽ അഗർവാളിൻ്റെ ലെെവ് ടെലകാസ്റ്റ് എന്ന സീരിസും തമന്നയുടെ നവംബർ സ്റ്റോറി എന്ന വെബ് സീരിസും ഹോട്സ്റ്റാറിൽ റിലീസ് ചെയ്യും. വെങ്കട് പ്രഭുവാണ് ലെെവ് ടെലകാസ്റ്റിൻ്റെ നിർമാതാവ്. ത്രില്ലർ സ്വഭാവമുള്ള നവംബർ സ്റ്റോറി സംവിധാനം ചെയ്തിരിക്കുന്നത് ഇന്ദിര സുബ്രമണ്യം ആണ്.
Super excited to tell you that my new Tamil horror web series ‘Live Telecast’, is streaming soon only on @DisneyplusHSVIP! #TamilNaattinPuthiyaThirai pic.twitter.com/0aClsr0jdI
— venkat prabhu (@vp_offl) October 23, 2020
ഇതിനു പുറമെ സത്യരാജ് കേന്ദ്ര കഥാപാത്രത്തെ അവതരിപ്പിക്കുന്ന മിസ്റ്റർ പെർഫക്ട്, കാർത്തിക് സുബ്ബരാജ് ഒരുക്കുന്ന ട്രിപ്പിൾ എന്ന സീരിസും ഹോട്സ്റ്റാറിൽ റിലീസ് ചെയ്യും.
content highlights: Disney+Hotstar new Tamil films and web series
