ഹരിയാനയിൽ 21കാരിയായ കോളേജ് വിദ്യാർത്ഥിനിയെ വെടിവെച്ചു കൊന്നു. ഫരീദാബാദിനടുത്തുള്ള ബല്ലാബ്ഗഡ് കോളേജിലെ വിദ്യാർത്ഥിനി നികിത തോമറിനെയാണ് കോളേജ് പരിസരത്തെ റോഡിൽ വെച്ച് രണ്ട് ആക്രമികൾ ചേർന്ന് വെടിവെച്ച് കൊന്നത്. തട്ടികൊണ്ടുപോകാനുള്ള ശ്രമം പരാജയപ്പെട്ടതിനെ തുടർന്നാണ് വെടിവെച്ചത്.
യുവതിയുടെ വരവിനായി കാറിൽ കാത്തിരിക്കുകയായിരുന്നു കൊലയാളികളായ തൗസീഫും സുഹൃത്തും. കാറിന് സമീപം വന്ന ഇവരെ തൗസീഫ് കടന്നാക്രമിക്കുകയും നികിതയെ ബലമായി കാറിലേക്ക് പിടിച്ച് കയറ്റാൻ തൗസീഫ് ശ്രമിക്കുന്നു. എന്നാൽ ശ്രമം പരാജയപ്പെട്ടപ്പോൾ വെടിയുതിർക്കുകയായിരുന്നു. തുടർന്ന് ആക്രമിയുടെ സുഹൃത്ത് അയാളെ കാറിലേയ്ക്ക് വലിച്ചുകൊണ്ടുപോവുകയും കാർ ഓടിച്ച് രക്ഷപെടുകയുമായിരുന്നു. വെടികൊണ്ട യുവതിയെ ആശുപത്രിയിലെത്തിച്ചെങ്കിലും രക്ഷിക്കാനായില്ല. തൗസീഫിനെ പൊലീസ് അറസ്റ്റു ചെയ്തു.
തൗസീഫ് നിരന്തരമായി നികിതയെ ശല്യപെടുത്തിയിരുന്നതായും ഇത് പറഞ്ഞ് നേരത്തെ പൊലീസിൽ പരാതി നൽകിയിട്ടുണ്ടായിരുന്നുവെന്നും നികിതയുടെ പിതാവ് പറഞ്ഞു. നികിതയോട് നടത്തിയ പ്രണയാഭ്യർത്ഥന നിരസിച്ചതിനെ തുടർന്നുണ്ടായ വെെരാഗ്യമാണ് സംഭവത്തിലേക്ക് നയിച്ചതെന്ന് ബല്ലാബ്ഗഡ് എസ്പി ജയ്വീർ റാഠി മാധ്യമങ്ങളോട് പറഞ്ഞു.
CCTV footage shows a girl named Nikita Tomar being shot dead by an assailant (Taufeeq) outside her college in Ballabgarh, Faridabad. Shooter and associate flees in car. Police have arrested Taufeeq. pic.twitter.com/idOPIDZfDo
— Raj Shekhar Jha (@rajshekharTOI) October 27, 2020
content highlights: Video Shows Haryana Woman’s Murder Outside Her College, Accused Arrested
