അപ്പാനി ശരത് പ്രധാന വേഷത്തിലെത്തുന്ന രന്ധാര നഗര ഫസ്റ്റ് ലുക്ക് മോഷൻ പോസ്റ്റർ പുറത്തിറങ്ങി. എം. അബ്ദുൽ വദൂദ് തിരക്കഥയെഴുതി സംവിധാനം ചെയ്യുന്ന ചിത്രത്തിൽ രേണു സൗന്ദറാണ് നായികയായി എത്തുന്നത്. സമകാലിക സംഭവങ്ങളെ പശ്ചാത്തലമാക്കി ഒരുക്കുന്ന ആക്ഷൻ ത്രില്ലർ റോഡ് മൂവി ആയിരിക്കും രന്ധാര നഗര. അജയ് മാത്യൂസ്, വിഷ്ണു ശങ്കർ, ഷിയാസ് കരീം, ശരണ്യ, മച്ചാൻ സലീം, വി.എസ് ഹെെദർ അലി, മോഹിയു ഖാൻ, അഖില പുഷ്പാംഗദൻ എന്നിവരും ചിത്രത്തിൽ അണിനിരക്കുന്നുണ്ട്.
നിതിൻ ബാസ്കർ, മുഹമ്മദ് തൽഹത് എന്നിവരുടേതാണ് കഥ. രാജേഷ് പീറ്ററാണ് ഛായാഗ്രഹണം. ഫീനിക്സ് ഇൻകോപറേറ്റ്, ഷോകേസ് ഇൻ്റർനാഷണൽ ചേർന്നാണ് ചിത്രത്തിൻ്റെ നിർമ്മാണം നിർവ്വഹിക്കുന്നത്. മെെസൂർ, ഗുണ്ടൽ പേട്ട് എന്നിവിടങ്ങളിലാണ് സിനിമയുടെ ചിത്രീകരണം. നവംബർ ഒന്നിന് കളമശ്ശേരി ഹോളി എയ്ഞ്ചൽസ് ഇൻസ്റ്റിറ്റ്യൂട്ടിൽ നടക്കുന്ന പൂർ കർമ്മത്തോടെ ചിത്രീകരണം ആരംഭിക്കും.
content highlights: Appani Sarath new movie Randhara Nagara first look motion poster
