ആറ് വർഷങ്ങൾക്ക് ശേഷം കാളിദാസ് ജയറാം ആദ്യമായി നായകനായ ചിത്രം ഒരു പക്കാ കഥെെ റിലീസിനെത്തുന്നു. ബാലാജി തരണീധരൻ സംവിധാനം ചെയ്ത ചിത്രം ഒടിടി റിലീസ് ചെയ്യാനാണ് തീരുമാനം. ചിത്രത്തിൽ മേഘ ആകാശാണ് നായികയായി എത്തുന്നത്. സീ ഫെെവിലൂടെ ഡിസംബർ 25 മുതൽ പ്രദർശനത്തിനെത്തും.
സെൻസർ കുരുക്കൾ മൂലമാണ് സിനിമ റിലീസ് ചെയ്യാതിരുന്നത്. 2017 മാര്‍ച്ചില്‍ സെന്‍സറിംഗ് അനുമതി നിഷേധിക്കപ്പെട്ടതിന് പിന്നാലെയാണ് സിനിമ പെട്ടിയിലായത്. ചിത്രത്തിലെ ഒരു രംഗത്തില്‍ ‘ലൈംഗികബന്ധം’ എന്ന വാക്ക് ഉപയോഗിച്ചതിനെ തുടര്‍ന്നായിരുന്നു സെന്‍സര്‍ ബോര്‍ഡ് ചിത്രത്തിന് പ്രദര്‍ശനാനുമതി നിഷേധിച്ചത്.
‘ഒരു പക്ക കഥൈ’ റിലീസ് വൈകിയതിനെ തുടര്‍ന്ന് കാളിദാസ് നായകനായി അഭിനയിച്ച രണ്ടാം ചിത്രം ‘മീന്‍കുഴമ്പും മണ്‍പാനയും’ അരങ്ങേറ്റ ചിത്രമായി 2016 നവംബറില്‍ റിലീസ് ചെയ്തു. ഒടിടി റിലീസ് ആയി പുറത്തിറങ്ങിയ പുത്തംപുതുകാലെയിലെ കാളിദാസിൻ്റെ പ്രകടനം ഏറെ ശ്രദ്ധ പിടിച്ചുപറ്റിയിരുന്നു. പാവ കഥെെകൾ എന്ന ആന്തോളജി ചിത്രത്തിലും കാളിദാസ് അഭിനയിക്കുന്നുണ്ട്.
content highlights: ‘Oru Pakka Kathai’ to premiere on Zee5 from December 25
