തിയറ്ററുകളിൽ ഏറെ വിജയകരമായി പ്രദർശിപ്പിച്ച ടൊവിനോ തോമസ് ചിത്രം ഫൊറൻസിക് ഇനി ബോളിവുഡിലേക്ക്. ടൊവിനോ തോമസ് നായകനാക്കി അഖിൽ പോൾ, അനസ് ഖാൻ എന്നിവരുടെ സംവിധാനത്തിൽ ഈ വർഷം ഫെബ്രുവരിയിൽ ഇറങ്ങിയ ചിത്രമായിരുന്നു ഫോറൻസിക്. വിക്രാന്ത് മസേയാണ് ടൊവിനോ അവതിപ്പിച്ച നായക കഥാപാത്രത്തെ അവതരിപ്പിക്കുന്നത്.
ഫോറൻസിക് സയൻസ് ലാബിലെ മെഡിക്കോ ലീഗൽ അഡ്വൈസർ ആണ് സാമുവൽ ജോൺ കാട്ടൂക്കാരൻ എന്ന നായക കഥാപാത്രം. മിനി ഫിലിംസിന്റെ ബാനറിൽ മൻസി ബംഗ്ലയാണ് ഫോറൻസിക് ബോളിവുഡിലേക്കെത്തിക്കുന്നത്. ഫോറൻസികിൽ മംമ്താ മോഹൻദാസ് അവതരിപ്പിച്ച കഥാപാത്രം ഹിന്ദിയിൽ അവതരിപ്പിക്കുന്നതാരെന്ന് വ്യക്തമല്ല.
Content Highlights; Hindi remake in Tovino movie forensic
