കൊച്ചി ലുലു ഹൈപ്പർമാർക്കറ്റിൽ നടിയെ അപമാനിച്ച സംഭവത്തിലെ പ്രതികളുടെ ചിത്രങ്ങൾ പൊലീസ് പുറത്തുവിട്ടു. മെട്രോ സ്റ്റേഷനിലെ സിസിടിവിയിൽ നിന്നുള്ള ദൃശ്യങ്ങളാണ് പുറത്തുവിട്ടത്. പ്രതികളുടെ ദൃശ്യങ്ങൾ കഴിഞ്ഞ ദിവസം സിസിടിവിയിൽ നിന്നു പൊലീസിനു ലഭിച്ചിരുന്നു. എന്നാൽ ഇവർ പ്രായപൂർത്തി ആയവരാണോ എന്നതിന് ഉറപ്പില്ലാത്തതിനാൽ അന്ന് പുറത്തുവിട്ടിരുന്നില്ല.
എന്നാൽ സംഭവം പുറത്തു വന്ന് ഒരു ദിവസം പിന്നിട്ടിട്ടും പ്രതികളെ കണ്ടെത്താൻ കഴിയാതെ വന്നതോടെയാണ് ചിത്രങ്ങൾ പുറത്തുവിടാൻ പൊലീസ് തീരുമാനിച്ചത്. സംഭവത്തിൽ വനിതാ കമ്മിഷനും യുവജന കമ്മിഷനും പൊലീസിനോടു റിപ്പോർട്ട് തേടിയിരുന്നു. ഇവർ മാളിലെ പ്രവേശന കവാടത്തിൽ ഫോൺ നമ്പർ നൽകാതെ കബളിപ്പിച്ച് അകത്തു കടന്നതിനാൽ അതു വഴിയുള്ള അന്വേഷണവും മുടങ്ങിയതും ചിത്രങ്ങൾ പുറത്തു വിടാൻ കാരണമായി.
content highlights: police released the photographs of the accused in the actress molestation case
