സംസ്ഥാനത്ത് ത്രിതല പഞ്ചായത്ത് പ്രസിഡന്റുമാരേയും വൈസ് പ്രസിഡന്റുമാരേയും ഇന്ന് തെരഞ്ഞെടുക്കും. സത്യപ്രതിജ്ഞാ ചടങ്ങും ഇന്ന് തന്നെ നടക്കും. ജില്ലാ പഞ്ചായത്ത് പ്രസിഡന്റ് തെരഞ്ഞെടുപ്പ് രാവിലെ 11 നും വൈസ് പ്രസിഡന്റ് തെരഞ്ഞെടുപ്പ് ഉച്ച കഴിഞ്ഞ് രണ്ടിനും നടക്കും. കൊവിഡ് മാനദണ്ഡങ്ങൾ പാലിച്ച് ജില്ലാ പഞ്ചായത്ത് കൌൺസിൽ ഹാളുകളിലാണ് തെരഞ്ഞെടുപ്പ് നടക്കുന്നത്. ജില്ലാ കളക്ടമാരാണ് തെരഞ്ഞെടുപ്പിന് നേതൃത്വം നൽകുന്നത്.
ബ്ലോക്ക്-ഗ്രാമ പഞ്ചായത്തുകളിലെ പ്രസിഡന്റ് വൈസ് പ്രസിഡന്റുമാരുടെ തെരഞ്ഞെടുപ്പും അതത് ഭരണാധികാരികളുടെ മേൽ നോട്ടത്തിൽ നടക്കും. വൈസ് പ്രസിഡന്റുമാർക്ക് പ്രസിഡന്റുമാരാണ് സത്യപ്രതിജ്ഞ ചൊല്ലികൊടുക്കുന്നത്. ത്രിതല പഞ്ചായത്തുകളിലെ പുതിയതായി തെരഞ്ഞെടുക്കപെട്ട അംഗങ്ങളിൽ സത്യപ്രതിജ്ഞ ചെയ്യാൻ കഴിയാതിരുന്നവർക്ക് ബുധനാഴ്ച രാവിലെ പത്തിന് മുതിർന്ന അംഗത്തിന് മുമ്പാകെ സത്യപ്രതിജ്ഞ ചെയ്യാം. സംസ്ഥാനത്ത് 941 പഞ്ചായത്തുകളും 152 ബ്ലോക്ക് പഞ്ചായത്തുകളും 14 ജില്ലാ പഞ്ചായത്തുകളുമാണ് ഉള്ളത്.
Content Highlights; Kerala local body election 2020
