നിയമസഭാ തെരഞ്ഞെടുപ്പില്‍ ഇത്തവണ മത്സരിക്കാനില്ലെന്ന് ശോഭാ സുരേന്ദ്രന്‍. തീരുമാനം പാര്‍ട്ടി നേതൃത്വത്തെ ശോഭ അറിയിച്ചതായാണ് വിവരം. സെക്രട്ടേറിയറ്റിന് മുന്നിലെ സമരക്കാർക്ക് ഐക്യദാർഢ്യവുമായി ശോഭാ സുരേന്ദ്രൻ 48 മണിക്കൂർ ഉപവാസ സമരം ഇന്നലെ തുടങ്ങിയിരുന്നു. അതേസമയം പിഎസ്സി സമരപന്തലിൽ എത്തിത് രാഷ്ട്രീയ ലക്ഷ്യത്തോടെയല്ലെന്ന് ശോഭാ സുരേന്ദ്രൻ വ്യക്തമാക്കി.
സംസ്ഥാന നേതൃത്വവുമായി ഉടക്കിനിൽക്കുന്ന ശോഭ സ്വന്തം നിലയ്ക്കാണ് സമരത്തിനറങ്ങിയത്. എന്നാല്‍ പാര്‍ട്ടി നേതൃത്വവുമായി ചര്‍ച്ച ചെയ്തിട്ടാണ് സമരത്തിന് ഇറങ്ങയിതെന്നും പിന്തുണയുള്ളതായും ശോഭ സുരേന്ദ്രൻ വ്യക്തമാക്കി. സ്ത്രീകൾക്ക് മത്സര രംഗത്ത് വരണം എന്നവശ്യപ്പെട്ട ആളാണ് താൻ. താന്‍ പിന്മാറുന്നത് കൂടുതല്‍ സ്ത്രീകള്‍ മത്സര രംഗത്ത് വരുന്നതിനാണെന്നും ശോഭ സുരേന്ദ്രൻ പറഞ്ഞു.
Content Highlights; shobha surendran not contesting assembly election
