പന്മന വെറ്റമുക്ക് സ്വദേശികളായ 3 യുവാക്കൾ ആലപ്പുഴ എടത്വയ്ക്കു സമീപം വീയപുരത്ത് നദിയിൽ മുങ്ങി മരിച്ചു. സജാദ്, ശ്രീജിത്, അനീഷ് എന്നിവരാണ് മരിച്ചത്. വീയപുരം തടി ഡിപ്പോയ്ക്കു സമീപം സുഹൃത്തിന്റെ വീട്ടിലെത്തിയ 5 അംഗ സംഘത്തിൽപ്പെട്ടവരാണിവർ. സുജിത്, ഹാരിസ് എന്നിവർ രക്ഷപ്പെട്ടു. ഹരിപ്പാടിന് സമീപമുള്ള വിയപുരത്തെ സുഹൃത്തിന്റെ വീട്ടിലെത്തിയ ഇവര്‍ കുളിക്കാനായി പോയപ്പോഴാണ് അപകടം. ഉച്ചകഴിഞ്ഞ് മൂന്നുമണിയോടെയാണ് സംഭവം.
അഞ്ചുസുഹൃത്തുക്കള്‍ ചേര്‍ന്നാണ് വിയപുരത്തെ സുഹൃത്തിന്റെ വീട്ടിലെത്തിയത്. ഇവരില്‍ ശ്രീജിത്ത്, ഹനീഷ്, സജാദ് എന്നിവര്‍ കുളിക്കാനായി പമ്പയില്‍ ഇറങ്ങി. കുളിക്കുന്നതിനിടയില്‍ ഇവര്‍ മുങ്ങിപ്പോവുകയായിരുന്നു. തുടര്‍ന്ന് പോലീസും ഫയര്‍ഫോഴ്സും ഒന്നരമണിക്കൂറോളം നടത്തിയ തിരച്ചിലിലാണ് ഇവരെ കണ്ടെത്തിയത്. തുടര്‍ന്ന് ആശുപത്രിയിലെത്തിച്ചെങ്കിലും മരണം സ്ഥിരീകരിക്കുകയായിരുന്നു. ഇവരുടെ മൃതദേഹം തുടര്‍നടപടികള്‍ക്കായി ആശുപത്രിയില്‍ സൂക്ഷിച്ചിരിക്കുകയാണ്.
content highlights: Youth drowned in Kollam
