തിരുവനന്തപുരം: ഓണം മഴയില്‍ കുതിര്‍ന്നു പോയേക്കുമെന്ന ആശങ്കയുയര്‍ത്തി ഈ ആഴ്‌ച സംസ്ഥാനത്ത് അതിശക്തമായ മഴസാധ്യത മുന്നറിയിപ്പുമായി കേന്ദ്ര കാലാവസ്ഥ വകുപ്പ്.
ഉത്രാടദിനമായ നാളെ(07.09.2022) മൂന്നു ജില്ലകളില്‍ റെഡ് അലര്‍ട്ടാണ്. വയനാട്, കണ്ണൂര്‍, കാസര്‍കോട് ജില്ലകളിലാണ് നാളെ റെഡ് അലര്‍ട്ട് പ്രഖ്യാപിച്ചത്.
തിരുവനന്തപുരം, കൊല്ലം എന്നിവ ഒഴികെയുള്ള മറ്റു ജില്ലകളില്‍ ഓറഞ്ച് അലര്‍ട്ടും പ്രഖ്യാപിച്ചു. എറണാകുളം, ഇടുക്കി, മലപ്പുറം, കോഴിക്കോട് ജില്ലകളില്‍ ഇന്ന്(06.09.2022) റെഡ് അലര്‍ട്ടാണ്. കണ്ണൂര്‍, കാസര്‍കോട് ജില്ലകളില്‍ യെല്ലോ അലര്‍ട്ടും പ്രഖ്യാപിച്ചു. ശനിയാഴ്‌ച വരെ സംസ്ഥാനത്ത് വ്യാപക മഴയ്ക്ക് സാധ്യതയുണ്ട്.
