തിരുവനന്തപുരം: ടൂറിസ്റ്റ് ബസുകള്‍ വെള്ള നിറത്തിലേക്ക് മാറണമെന്ന നിര്‍ദേശത്തില്‍ ഇളവ് നല്‍കിയ ഉത്തരവ് തിരുത്തി മോട്ടോര്‍ വാഹന വകുപ്പ്. എല്ലാ ടൂറിസ്റ്റ് ബസുകളും കളര്‍കോഡ് എല്ലാ ടൂറിസ്റ്റ് ബസുകളും കളര്‍കോഡ് പാലിക്കണമെന്ന് പുതിയ ഉത്തരവില്‍ പറയുന്നു.
പഴയ വാഹനങ്ങള്‍ അടുത്ത തവണ ഫിറ്റ്നസ് പുതുക്കുമ്ബോള്‍ നിറം മാറ്റിയാല്‍ മതിയെന്ന ഉത്തരവാണ് തിരുത്തിയത്. പുതിയ ഉത്തരവനുസരിച്ച്‌ എല്ലാ കോണ്‍ട്രാക്‌ട് കാര്യേജ് വാഹനങ്ങളും വെള്ള നിറത്തിലേക്ക് മാറണം. നിറം മാറ്റാതെ നിരത്തില്‍ ഇറങ്ങിയാല്‍ പിഴ ചുമത്തും. ഫിറ്റ്നസ് റദ്ദാക്കും.
വടക്കഞ്ചേരി അപകടത്തിന്‍റെ പശ്ചാത്തലത്തിലാണ് മോട്ടോര്‍ വാഹന വകുപ്പ് കോണ്‍ട്രാക്‌ട് കാര്യേജ് വാഹനങ്ങള്‍ക്ക് ഏകീകൃത നിറം നിര്‍ബന്ധമാക്കിയത്.
