ന്യൂഡല്‍ഹി: മുസ്ലീം യുവാവിനെ മര്‍ദ്ദിച്ചതിനെ അപലപിച്ച ഗൗതം ഗംഭീറിനോട് കെണിയില്‍ വീഴരുതെന്ന് ഉപദേശിച്ച് അനുപം ഖേര്‍. ഗുരുഗ്രാമില്‍ മുസ്ലീം യുവാവിന് നേരെ ആളുകള്‍ നടത്തിയ അക്രമണത്തെ ആദ്യമായി അപലപിച്ച ബിജെപി എംപി ഗൗതം ഗംഭീറിനാണ് അനുപം ഖേറിന്റെ ഉപദേശം. ഒരു വിഭാഗം മാധ്യമങ്ങള്‍ കൊണ്ട് പ്രശസ്തമാകുന്ന കെണിയില്‍ വീഴരുത് എന്ന് ട്വിറ്ററിലൂടെ ഉപദേശിക്കുകയായിരുന്നു അദ്ദേഹം. എംപിയായി തെരഞ്ഞെടുക്കപ്പെട്ടതില്‍ അഭിനന്ദിക്കുകയും ചെയ്തു.
ഗുരുഗ്രാമില്‍ മുസ്ലീങ്ങള്‍ക്കെതിരെ ദുഖകരമായ സംഭവമാണ് നടന്നതെന്നും മാതൃകാപരമായ നടപടി സ്വീകരിക്കണമെന്നും ആവശ്യപ്പെട്ട് ട്വിറ്ററിലൂടെ കഴിഞ്ഞ ദിവസമാണ് ഗംഭീര്‍ പ്രതിഷേധം രേഖപ്പെടുത്തിയത്. ഇതിനെതുടര്‍ന്നാണ് അനുപം ഖേറിന്റെ ട്വിറ്ററിലൂടെയുള്ള ഉപദേശം.
