മിസോറാമിലെ ഐസ്‌വാളില്‍ ബഹുനില കെട്ടിടങ്ങള്‍ തകര്‍ന്നുവീണ് രണ്ട് കുട്ടികള്‍ ഉള്‍പ്പെടെ മൂന്ന് പേര്‍ മരിച്ചു. ഒമ്പത് പേര്‍ക്ക് പരിക്കേറ്റു. ചൊവ്വാഴ്ച രാത്രിയായിരുന്നു സംഭവം. നിരവധി പേര്‍ കുടുങ്ങി കിടക്കുന്നതായാണ് വിവരം. രക്ഷാപ്രവര്‍ത്തനം പുരോഗമിക്കുകയാണ്. പരിക്കേറ്റവരെ സമീപത്തെ ആശുപത്രിയില്‍ പ്രവേശിപ്പിച്ചു.യങ് മിസോ അസോസിയേഷന്റെ പ്രവര്‍ത്തകര്‍ ചേര്‍ന്നാണ് രക്ഷാപ്രവര്‍ത്തനം നടത്തുന്നത്. ഡര്‍ട്ട്‌ലംഗ് കുന്നില്‍ മണ്ണിടിഞ്ഞതാണ് അപകടത്തിന് കാരണം. ലാല്‍നുന്‍ഫെലി(13), സയ്‌നിംഗ്‌ഗ്ലോവി (52), ലാല്‍പെക്‌സംഗ (8) എന്നിവരാണ് മരിച്ചത്.
