ന്യൂഡല്‍ഹി: മുന്‍ പ്രധാനമന്ത്രി ചന്ദ്രശേഖറിന്റെ മകനും സമാജ് വാദി പാര്‍ട്ടി എംപിയുമായ നീരജ് ശേഖര്‍ രാജ്യസഭാംഗത്വം രാജിവച്ചു. രാജിക്കത്ത് രാജ്യസഭാ ചെയര്‍മാന്‍ വെങ്കയ്യ നായിഡു സ്വീകരിച്ചതായി റിപ്പോര്‍ട്ട്. രാജ്യസഭാംഗത്വം രാജിവച്ച നീരജ് ബിജെപിയിലേക്ക് ചേരുമെന്നാണ് സൂചന.
ചന്ദ്രശേഖറിന്റെ മരണശേഷം 2007ല്‍ ബല്ലിയയില്‍ നടന്ന ഉപതെരഞ്ഞെടുപ്പില്‍ മത്സരിച്ചാണ് ലോക്‌സഭയില്‍ എത്തുന്നത്. 2009ല്‍ ലോക്‌സഭയില്‍ സീറ്റ് നിലനിര്‍ത്തിയെങ്കിലും 2014ല്‍ പരാജയപ്പെടുകയായിരുന്നു. ബല്ലിയ മണ്ഡലത്തില്‍ നിന്നും ലോക്‌സഭയിലേക്ക് മത്സരിച്ച നീരജ് പരാജയപ്പെട്ടതിനു പിന്നാലെ സമാജ് വാദി പാര്‍ട്ടി രാജ്യസഭയിലേക്ക് അയക്കുകയായിരുന്നു.
