അരികുവല്‍കരിക്കപ്പെട്ടവരുടെ മോചനത്തിനായി നിരന്തരം ഇടപെട്ട സാമൂഹിക പ്രവര്‍ത്തക സാവിത്രി ഭായ് ഫൂലെയുടെ ഛായാചിത്രം ഇന്ത്യന്‍ സുര്രെന്‍സി നോട്ടുകളില്‍ ചേര്‍ക്കണമെന്ന ആവശ്യവുമായി വിസികെ എംപി ഡി രവികുമാര്‍ ലോക്സഭയില്‍ നോട്ടീസ് സമര്‍പ്പിച്ചു.
ലോക്‌സഭ സെക്രട്ടറി ജനറലിനെ അഭിസംബോധന ചെയ്ത നോട്ടീസില്‍ രവികുമാര്‍ ഇങ്ങനെ എഴുതി, ”കറന്‍സി നോട്ട് നമ്മുടെ സമ്പദ്വ്യവസ്ഥയുടെ ഒരു ഉപകരണം മാത്രമല്ല, നമ്മുടെ സമൂഹത്തിന്റെ പ്രതീകവുമാണ്… ഒരു വനിതാ ധനമന്ത്രിയെ നിയമിക്കുന്നതിലൂടെ, സമ്പദ് വ്യവസ്ഥ കൈകാര്യം ചെയ്യുന്നതില്‍ സ്ത്രീയുടെ കഴിവ് ഇന്ത്യ തിരിച്ചറിയുന്നു. ആ രീതിയില്‍ ആലോചിച്ചാല്‍ പോലും കറന്‍സിയില്‍ സ്ത്രീയുടെ ചിത്രം അച്ചടിക്കാനുള്ള ശരിയായ സമയമാണിത്. ‘
കവിയും എഴുത്തുകാരനും പരിഭാഷകനുമായ രവികുമാര്‍ പറയുന്നു , ‘ ഗാന്ധി ഛായാചിത്രം ഇന്ത്യന്‍ കറന്‍സിയില്‍ 50 വര്‍ഷം മുമ്പ് 1969 ല്‍ പുറത്തിറക്കി, അദ്ദേഹത്തിന്റെ ജനന ശതാബ്ദി ആഘോഷിച്ചു. ഗാന്ധിയുടെ ഛായാചിത്രം മാറ്റാനോ നീക്കംചെയ്യാനോ ഞാന്‍ നിര്‍ദ്ദേശിക്കുന്നില്ല. പകരം, സ്ത്രീകളെ കറന്‍സിയില്‍ പ്രതിനിധീകരിക്കാന്‍ ഞാന്‍ ആവശ്യപ്പെടുന്നു. ‘
