ദുൽഖർ സൽമാൻ ബോളിവുഡിൽ അഭിനയിക്കുന്ന രണ്ടാമത്തെ ചിത്രം ദി സോയ ഫാക്ടറിൻെറ ട്രെയിലർ പുറത്തിറങ്ങി. സോനം കപൂറാണ് നായിക. അനുജ ചൌഹാൻ 2008 ൽ പുറത്തിറക്കിയ ദി സോയ ഫാക്ടറർ എന്ന നോവലിൻെറ ചലച്ചിത്ര ആവിഷ്കാരമാണ് ചിത്രം.
ഫോക്സ് സ്റ്റാർ സ്റ്റുഡിയോസ്, പൂജ ഷെട്ടി, ആരതി ഷെട്ടി എന്നിവർ ചേർന്ന് നിർമിക്കുന്ന ചിത്രത്തിൻെറ സംവിധാനം അഭിഷേക് ശർമയാണ്. സോയ എന്ന ടൈറ്റിൽ കഥാപാത്രമായി സോനം കപൂറും ഇന്ത്യൻ ക്രിക്കറ്റ് ടീം ക്യാപ്റ്റൻ നിഖിൽ ഖോഡയായി ദുൽഖറും വേഷമിടുന്നു. സോയ എന്ന പെൺകുട്ടി ഇന്ത്യൻ ക്രിക്കറ്റ് ടീമിൻെറ ഭാഗ്യമായി മാറുന്നതാണ് ചിത്രത്തിൻെറ പ്രമേയം. കർവാനാണ് ദുൽഖറിൻെറ ആദ്യ ഹിന്ദി ചിത്രം.
