മമ്മൂട്ടിയെ നായകനാക്കി രമേഷ് പിഷാരടി ഒരുക്കുന്ന ചിത്രം ഗാനഗന്ധര്‍വന്റെ ട്രെയിലര്‍ പുറത്തായി. ഹരിനായരും രമേഷ് പിഷാരടിയും ചേര്‍ന്ന് തിരക്കഥയും സംഭാഷണവും നിര്‍വഹിക്കുന്ന ചിത്രത്തില്‍ ഉല്ലാസ് എന്ന ഗായകന്റെ വേഷത്തിലാണ് മമ്മൂട്ടി എത്തുന്നത്.
പുതുമുഖം വന്ദിതയാണ് നായിക. മുകേഷ്, ഇന്നസെന്റ്, സിദ്ധിഖ്, സലിം കുമാര്‍, ധര്‍മജന്‍ ബോള്‍ഗാട്ടി, ഹരീഷ് കണാരന്‍, മനോജ് കെ. ജയന്‍,സുരേഷ് കൃഷ്ണ, മണിയന്‍ പിള്ള രാജു, കുഞ്ചന്‍, അശോകന്‍, സുനില്‍ സുഖദ, അതുല്യ, ശാന്തി പ്രിയ എന്നിവരാണ് വേഷമിടുന്ന മറ്റ് താരങ്ങള്‍. ശ്രീലക്ഷ്മി ആര്‍, ശങ്കര്‍ രാജ് ആര്‍, സൗമ്യ രമേശ് എന്നിവര്‍ ചേര്‍ന്നാണ് നിര്‍മ്മാണം.
