ടൊവിനോ തോമസിനെ നായകനാക്കി നവാഗതനായ സ്വപ്‌നേഷ് കെ നായർ സംവിധാനം ചെയ്യുന്ന എടക്കാട് ബറ്റാലിയന്‍ 06 ലെ പുതിയ വീഡിയോ സോങ് റിലീസായി. ഷെഹനായി മൂളുന്നുണ്ടീ ആനന്ദരാവ് എന്നു തുടങ്ങുന്ന ഗാനമാണ് റിലീസായത്. വിവാഹ ആഘോഷ പശ്ചാത്തലത്തിൽ ഒരുക്കിയിരിക്കുന്ന ഗാനത്തിൽ ചുവടുവെയ്ക്കുന്ന ടൊവിനോയെയും കാണാം. ആദ്യമായാണ് ഒരു ചിത്രത്തിനുവേണ്ടി ടൊവിനോ നൃത്തം ചെയ്യുന്നതെന്ന പ്രത്യേകതയും ഗാനത്തിനുണ്ട്.
സിതാര കൃഷ്ണകുമാറും യാസിൻ നിസാറും ചേർന്നാണ് ആലാപനം. മനു മഞ്ജിത്തിന്റെ വരികൾക്ക് ഈണം പകർന്നിരിക്കുന്നത് കൈലാസ് മേനോനാണ്. കാർണിവൽ പിക്ചേഴ്സ്, റൂബി ഫിലിംസ് എന്നിവയുടെ ബാനറിൽ ശ്രീകാന്ത് ഭാസി, തോമസ് ജോസഫ് പട്ടത്താനം, ജയന്ത് മമ്മൻ എന്നിവർ ചേർന്നാണ് ചിത്രത്തിന്റെ നിർമ്മാണം. ഒക്ടോബർ 18 ന് ചിത്രം തീയറ്ററുകളിൽ എത്തും. തീവണ്ടി, കൽക്കി എന്നീ ചിത്രങ്ങൾക്കു ശേഷം ടൊവിനോ തോമസും സംയുക്ത മേനോനും വീണ്ടും ഒന്നിക്കുന്ന ചിത്രം കൂടിയാണ് എടക്കാട് ബറ്റാലിയൻ 06.
Content Highlights: Released new video song from the movie Edakkad Battalion 06
