ഹാബിറ്റ് ഓഫ് ലൈഫിന്റെ ബാനറില്‍ വിനീത് ശ്രീനിവാസന്‍ നിര്‍മ്മിക്കുന്ന ‘ഹെലെന്‍’ തീയേറ്ററുകളിലേക്ക്. കേരളത്തിലെ 117 റിലീസിംഗ് സെന്റെറുകളിലാണ് ചിത്രം എത്തുന്നത്. ചിത്രം സംവിധാനം ചെയ്തിരിക്കുന്നത് നവാഗതനായ മാത്തുക്കുട്ടി സേവ്യറാണ്. അന്ന ബെനാണ് ചിത്രത്തിലെ പ്രധാന കഥാപാത്രത്തെ അവതരിപ്പിക്കുന്നത്.
കുമ്പളങ്ങി നൈറ്റസിലെ ശ്രദ്ധേയ കഥാപാത്രത്തിന് ശേഷം അന്ന ബെന്‍ അഭിനയിച്ചിരിക്കുന്ന ചിത്രമാണിത്. വിനീത് നിർമ്മാണം ചെയ്യുന്ന രണ്ടാമത്തെ ചിത്രമാണ് ഹെലെൻ. സംഗീതം ഷാന്‍ റഹ്മാന്‍. ചീഫ് അസോസിയേറ്റ് ഡയറക്ടര്‍ അനില്‍ എബ്രഹാം. ഛായാഗ്രഹണം ആനന്ദ് സി ചന്ദ്രന്‍. ചിത്രത്തില്‍ ലാല്‍, നോബിള്‍ ബാബു തോമസ്, അജു വര്‍ഗീസ്, റോണി ഡേവിഡ് രാജ്, ബിനു പപ്പു തുടങ്ങിയവരും അഭിനയിച്ചിട്ടുണ്ട്.
