ട്രൈബൽ ട്രാൻസ്‍ജെൻഡർ കഥ പറഞ്ഞ് ഉടലാഴം പ്രേഷക മനസുകളിലേക്ക് ഇടം പിടിക്കുന്നു. ആണുടലിൽ പെണ്മനസ്സുമായ്‌ ജീവിക്കേണ്ടി വരുന്ന ഗുളികനും, പെണ്ണുടലിൻ്റെ ആഗ്രഹങ്ങളാൽ ജീവിതം ചവിട്ടിയരയ്ക്കപ്പെടുന്ന മാതിയും ആണ് ചിത്രത്തിൻ്റെ ഇതിവൃത്തം. ഉണ്ണികൃഷ്ണൻ എന്ന യുവ സംവിധായകനാണ് ചിത്രം ഒരുക്കിയിരിക്കുന്നത്. ഫോട്ടോഗ്രാഫർ എന്ന മോഹൻലാൽ ചിത്രത്തിൽ ബാലതാരമായി വന്ന മണിയാണ് ചിത്രത്തിൽ ഗുളികനെ അവതരിപ്പിച്ചിരിക്കുന്നത്. മാതിയായ് രമ്യ വത്സലയും.
തൻ്റെ നേർക്കുള്ള അതിക്രമങ്ങളെ എതിർക്കാനാവാതെ പരാജിതനാവുന്ന ഗുളികനെയും, തന്നെ വെറുമൊരു ശരീരമായി കണ്ടു പ്രണയിച്ചവനെ പുച്ഛത്തോടെ ആട്ടിയോടിക്കുന്ന മാതിയേയും ഇരുവരും ചിത്രത്തിൽ വളരെ യാഥാർഥ്യമായാണ് അവതരിപ്പിച്ചിരിക്കുന്നത്. കൂടാതെ ഇന്ദ്രൻസ്, ജോയ് മാത്യു, അനുമോൾ, സജിത മഠത്തിൽ തുടങ്ങിയവരും ചിത്രത്തിൽ പ്രധാന കഥാപാത്രങ്ങളായി എത്തുന്നുണ്ട്. ചിത്രത്തിൻ്റെ സംവിധായകനായ ഉണ്ണികൃഷ്ണൻ തന്നെയാണ് തിരക്കഥയും ഒരുക്കിയിരിക്കുന്നത്. ചിത്രത്തിന് സംഗീതം ഒരുക്കിയിരിക്കുന്നത് സിതാര കൃഷ്ണകുമാറും മിഥുൻ ജയരാജുo ചേർന്നാണ്.
Content Highlights: udalazham malayalam movie
