ചരിത്രമാകാനൊരുങ്ങുന്ന മമ്മൂട്ടിയുടെ ബ്രഹ്മാണ്ഡചിത്രം മാമാങ്കത്തിന്റെ ഹിന്ദി ടീസർ നിർമാതാക്കളായ കാവ്യ ഫിലിം കമ്പനി റിലീസ് ചെയ്തു. ശങ്കര്‍ രാമകൃഷ്ണൻ തിരക്കഥ ഒരുക്കിയിരിക്കുന്ന ചിത്രത്തിന്റെ സംവിധാനം എം. പത്മകുമാറാണ്.
ഉണ്ണി മുകുന്ദൻ, ബാല താരം അച്യുതൻ എന്നിവർ നിറഞ്ഞു നിൽക്കുന്ന ടീസറിന്റെ ഒടുവിൽ രാജകീയമായാണ് മമ്മൂട്ടി എത്തുന്നത്.
ഉണ്ണി മുകുന്ദന്‍, കനിഹ, അനു സിത്താര, സിദ്ദീഖ്, തരുണ്‍ അറോറ, സുദേവ് നായര്‍, സുരേഷ് കൃഷ്ണ, രതീഷ് കൃഷ്ണ, പ്രാചി തെഹ്ലാൻ, മാസ്റ്റര്‍ അച്യുതന്‍ എന്നിവരാണ് പ്രധാകഥാപാത്രങ്ങകാകുന്നത്. കാവ്യ ഫിലിം കമ്പനിയുടെ ബാനറില്‍ വേണു കുന്നപ്പള്ളി നിർമ്മിക്കുന്ന ചിത്രം മലയാളത്തിനു പുറമേ, തമിഴ്, തെലുങ്ക്, ഹിന്ദി ഭാഷകളിലുമാണ് ചിത്രം റിലീസ് ചെയ്യുന്നത്. മലയാളത്തില്‍ ഇതേ വരെ നിര്‍മിച്ചിട്ടുള്ളതിൽ ഏറ്റവും ചിലവേറിയ ചിത്രമായിരിക്കും മാമാങ്കം.
Content Highlights; Released hingi teaser of Mamangam
