ഇറാന് ജനറല് ഖാസിം സുലൈമാനിയുടെ വധത്തെ തുടര്ന്ന് നിലനില്ക്കുന്ന യു.എസ് -ഇറാന് സംഘര്ഷത്തിനിടെ ഇറാന് വിദേശകാര്യമന്ത്രിക്ക് വിസ നിഷേധിച്ച് അമേരിക്ക. ഇറാന് വിദേശകാര്യ മന്ത്രി മുഹമ്മദ് ജവാദ് സരീഫിനാണ് വിസ നിഷേധിച്ചത്.
ന്യൂയോര്ക്കില് നടക്കാനിരിക്കുന്ന യു.എന് രക്ഷാസമിതി യോഗത്തില് പങ്കെടുക്കുന്നതിനാണ് ജവാദ് സരീഫ് വിസക്ക് അപേക്ഷിച്ചത്. വിസ യു.എസ് നിഷേധിച്ചതോടെ സരീഫിന് വ്യാഴാഴ്ച നടക്കുന്ന രക്ഷാസമിതി യോഗത്തില് പങ്കെടുക്കാനാവില്ല.
അതേസമയം ഇറാനുമായുള്ള സംഘര്ഷം തുടരുന്നതിനിടെ അമേരിക്കയ്ക്ക് പൂര്ണ പിന്തുണയുമായി നാറ്റോ സെക്രട്ടറി ജനറല് രംഗത്തെത്തി. സഖ്യകക്ഷികളായ മുഴുവന് രാജ്യങ്ങളും അമേരിക്കയോടൊപ്പമാണെന്ന് ജനറല് ജെന്സ് സ്റ്റോള്ട്ടന്ബര്ഗ് പറഞ്ഞു. അതിനിടെ നാറ്റോയുടെ നേതൃത്വത്തിലുള്ള ഇറാഖിലെ സൈനിക പരിശീലനവും നിര്ത്തിവച്ചു.
Content Highlight: us denies visa to Iran foreign minister