ചൈനയിലേക്കും തിരിച്ചുമുള്ള വിമാന സർവീസുകൾ റദ്ദാക്കാൻ യു.എ.ഇ തീരുമാനിച്ചു. ചൈനയില് കൊറോണ വൈറസ് വ്യാപകമായ പശ്ചാത്തലത്തില് മുന് കരുതല് നടപടികളുടെ ഭാഗമായാണ് തീരുമാനം. ഫെബ്രുവരി അഞ്ചു മുതലാണ് ചൈന വിമാന സർവീസുകളുടെ വിലക്ക് പ്രാബല്യത്തിൽ വരിക. കൊറോണ വൈറസ് പടരുന്നതുമായി ബന്ധപ്പെട്ട് നിലവിലെ സ്ഥിതി ഗതികള് പഠിച്ച് വിശകലനം നടത്തിയ ശേഷമാണ് വിമാന സര്വിസ് നിര്ത്തി വെക്കാന് യു.എ.ഇ തീരുമാനിച്ചത്. അതേ സമയം ബെയ്ജിങിലേക്കുള്ള സർവീസുകൾ തുടരും.
ബെയ്ജിങ് അന്താരാഷ്ട്ര വിമാനത്താവളത്തില് നിന്നുള്ള എല്ലാ യാത്രക്കാരെയും വിമാനത്താവളത്തില് ആറു മുതല് എട്ടു മണിക്കൂര് വിശദമായ മെഡിക്കല് സ്ക്രീനിങ്ങിന് വിധേയമാക്കുമെന്നും അതോറിറ്റി അറിയിച്ചു. കൊറോണ നിയന്ത്രണ വിധേയമാക്കാൻ ചൈന നടത്തി വരുന്ന നീക്കങ്ങളിൽ ഏറെ പ്രതീക്ഷയുണ്ടെന്ന് യു.എ.ഇ ജനറൽ സിവിൽ ഏവിയേഷൻ അതോറിറ്റി പ്രസ്താവനയിൽ അറിയിച്ചു. യു.എ.ഇയിൽ പുതിയ കൊറോണ കേസുകളൊന്നും റിപ്പോർട്ട് ചെയ്തിട്ടില്ലെന്ന് മന്ത്രാലയം വ്യകതമാക്കി.
Content Highlights: UAE to suspend all china flights except for Beijing as coronavirus