നവാഗതരായ ജിനോയ്, ജിബിറ്റ് എന്നിവർ സംവിധാനം ചെയ്യുന്ന ‘കോഴിപ്പോര്’ ചിത്രത്തിൻ്റെ ട്രെയിലർ പുറത്തിറങ്ങി. നഗരത്തോട് ചേര്‍ന്നുള്ള ഒരു ഗ്രാമത്തിലെ പ്രണയവും സൗഹൃദവും തല്ലും പോരുമൊക്കെ പറയുന്ന ചിത്രമാണിതെന്നാണ് ട്രെയിലർ നൽകുന്ന സൂചന. വീണ നന്ദകുമാറാണ് ചിത്രത്തിൽ നായിക. കാരക്ടര്‍ റോളുകളിലൂടെയും നാടകങ്ങളിലൂടെയും ശ്രദ്ധേയനായ നവജിത് നാരായണനാണ് നായകൻ.’ഗാഗുല്‍ത്തായിലെ കോഴിപ്പോര്’ എന്നായിരുന്നു സിനിമയുടെ ആദ്യത്തെ പേര്. എന്നാൽ ചിത്രത്തിന്‍റെ പേര് മതവികാരം വ്രണപ്പെടുമെന്ന വിമര്‍ശനത്തെ തുടര്‍ന്ന് കോഴിപ്പോര് എന്നാക്കുകയായിരുന്നു. പൗളി വത്സന്‍, ജോളി ചിറയത്ത്, ഇന്ദ്രന്‍സ്, സോഹന്‍ സീനുലാല്‍, അഞ്ജലി നായര്‍, ഷൈനി സാറാ, അസീസ്, പ്രവീണ്‍ കമ്മട്ടിപ്പാടം, രശ്മി അനില്‍, ഗീതി, മേരി എരമല്ലൂര്‍, നന്ദിനി ശ്രീ നവജിത് നാരായണന്‍, ജിനോയ് ജനാര്‍ദ്ദനന്‍ തുടങ്ങിയവർ ചിത്രത്തിൽ പ്രധാന കഥാപാത്രങ്ങളായെത്തുന്നു. ജെ. പിക് മൂവിസിന്‍റെ ബാനറില്‍ വി.ജി ജയകുമാര്‍ ആണ് ചിത്രത്തിന്‍റെ നിര്‍മ്മാണം. ചിത്രത്തിനായി സംഗീതം ഒരുക്കിയിരിക്കുന്നത് ബിജിപാലാണ്.
Content Highlights; kozhipporu movie official trailer released
