ന്യൂഡല്‍ഹി: നിസാമുദ്ദീനിലെ തബ്ലീഗ് സമ്മേളനത്തില്‍ പങ്കെടുത്ത 647 പേര്‍ക്ക് കോവിഡ് ബാധ കണ്ടെത്തിയതായി കേന്ദ്രസര്‍ക്കാര്‍ അറിയിച്ചു. 14 സംസ്ഥാനങ്ങളിലായാണ് കോവിഡ് ബാധ കണ്ടെത്തിയത്.
തമിഴ്നാട്ടില്‍ പുതുതായി 102 പേര്‍ക്ക് കോവിഡ് ബാധ സ്ഥിരീകരിച്ചു. ഇതുവരെ 411 പേര്‍ക്ക് ഇവിടെ കോവിഡ് ബാധ കണ്ടെത്തിയതായി സര്‍ക്കാര്‍ അറിയിച്ചു. രാജസ്ഥാനില്‍ 25 പേര്‍ക്കാണ് പുതുതായി കോവിഡ് കണ്ടെത്തിയത്. ഇതോടെ സംസ്ഥാനത്തെ കോവിഡ് ബാധിതരുടെ എണ്ണം 161 ആയി.
രാജ്യത്തെ കോവിഡ് ബാധിതരുടെ എണ്ണം 2500 കടന്നു. 69 പേരാണ് മരിച്ചത്. 24 മണിക്കൂറിനുള്ളില്‍ 8000 സാമ്ബിളുകളാണ് പരിശോധിച്ചതെന്ന് ഐ.സി.എം.ആര്‍ അറിയിച്ചു. 182 ലാബുകളിലാണ് കോവിഡ് പരിശോധന നടത്തുന്നത്. ഇതില്‍ 130 ഓളം സര്‍ക്കാര്‍ ലാബുകളാണ്.
Content Highlight: Covid-19 confirmed on 647 who attended Delhi Nissamudheen Prayer
