വിദേശത്ത് നിന്നുള്ള ആദ്യ സംഘം ഇന്ന് കേരളത്തില്‍; വിമാനങ്ങള്‍ എത്തുന്നത് രാത്രിയില്‍

കൊച്ചി: ഗള്‍ഫ് ഉള്‍പ്പെടെയുള്ള വിദേശരാജ്യങ്ങളില്‍ കുടുങ്ങിയ പ്രവാസികളെ മടക്കിക്കൊണ്ടുവരുന്നതിനുള്ള ‘വന്ദേ ഭാരത്’ ദൗത്യത്തിന് ഇന്ന് തുടക്കമാകുകയാണ്. അബുദാബിയില്‍ നിന്ന് കൊച്ചി നെടുമ്പാശ്ശേരിയില്‍ എയര്‍ ഇന്ത്യ എക്സ്പ്രസ് വിമാനം രാത്രി 9.40ന് പറന്നിറങ്ങുന്നതോടെയാണ് ചരിത്രദൗത്യത്തിന് തുടക്കം കുറിക്കുന്നത്. ദുബായിയില്‍നിന്ന് കോഴിക്കോട്ടേക്കുള്ള വിമാനം രാത്രി 10.30നുമെത്തും.

ഇവയുള്‍പ്പെടെ എട്ട് വിമാനങ്ങളാണ് ആദ്യദിനം വിദേശത്തുനിന്ന് ഇന്ത്യയിലെ വിവിധ നഗരങ്ങളിലെത്തുന്നത്. ഇന്ന് എത്തുമെന്ന് അറിയിച്ചിരുന്ന ദോഹ വിമാനത്തിന്റെ സര്‍വീസ് മാറ്റി. ദോഹ വിമാനം ഞായറാഴ്ചയാണ് കൊച്ചിയിലെത്തുക. പുതുക്കിയ ഷെഡ്യൂള്‍ അനുസരിച്ച് കണ്ണൂരിലേക്കും പ്രവാസികളെയും കൊണ്ട് വിമാനമെത്തും. ചൊവ്വാഴ്ചയാണ് സര്‍വീസ്. എല്ലാ വിമാനങ്ങളും എത്തുന്നത് രാത്രിയിലാണ്.

Content Highlight: The first team of Expats coming today