രാജ്യത്ത് 24 മണിക്കൂറിനിടെ 11,502 പേർക്ക് കൊവിഡ് സ്ഥിരീകരിച്ചു. ഇതോടെ രാജ്യത്ത് കൊവിഡ് ബാധിച്ചവരുടെ എണ്ണം 3,32,424 ആയി. ഇന്നലെ മാത്രം 325 പേരാണ് കൊവിഡ് ബാധിച്ച് മരിച്ചത്. ഇതുവരെ രാജ്യത്ത് കൊവിഡ് ബാധിച്ച് മരിച്ചവരുടെ എണ്ണം 9,520 ആയി. 1,53,106 പേരാണ് നിലവില്‍ ചികിത്സയിലുള്ളത്. 1,69,797 പേര്‍ക്ക് രോഗം ഭേദമായിട്ടുണ്ട്.
രോഗബാധിതർ ഏറ്റവും കൂടതലുള്ള മഹാരാഷ്ട്രയിൽ 1.07 ലക്ഷം കൊവിഡ് കേസുകളാണ് ഉള്ളത്. 3,950 പേർ മഹാരാഷ്ട്രയിൽ കൊവിഡ് ബാധിച്ച് മരിച്ചിട്ടുണ്ട്. തമിഴ്നാട്ടിൽ 44,661 പേർക്കാണ് കൊവിഡ് ബാധിച്ചത്. 435 പേർ മരിച്ചു. ഗുജറാത്തിൽ 23,544 പേർക്ക് കൊവിഡ് സ്ഥിരീകരിച്ചു. 1,477 പേർ സംസ്ഥാനത്ത് കൊവിഡ് ബാധിച്ച് മരിച്ചിട്ടുണ്ട്. 41,182 പേർക്കാണ് ഡൽഹിയിൽ കൊവിഡ് സ്ഥിരീകരിച്ചത്. 1,327 പേർ ഇവിടെ കൊവിഡ് ബാധിച്ച് മരിച്ചു.
content highlights: coronavirus-325 deaths and 11,502 new COVID-19 cases reported in the last 24 hours
