ഇന്ത്യയിൽ കഴിഞ്ഞ 24 മണിക്കൂറിനിടെ 56,282 പേർക്ക് കൊവിഡ് സ്ഥിരീകരിച്ചു. ഇതോടെ രാജ്യത്തെ കൊവിഡ് ബാധിതരുടെ എണ്ണം 19,64,537 ആയി. ഇന്നലെ മാത്രം 904 പേർ കൊവിഡ് ബാധിച്ച് മരിച്ചു. ഇതോടെ കൊവിഡ് ബാധിച്ച് മരിച്ചവരുടെ എണ്ണം 40.699 ആയി. 67.62 ശതമാനമാണ് രാജ്യത്തെ കൊവിഡ് മുക്തി നിരക്ക്. 13,28,337 പേരാണ് ഇതുവരെ രോഗമുക്തി നേടിയത്. 5,95,501 പേരാണ് നിലവിൽ രാജ്യത്ത് രോഗം ബാധിച്ച് ചികിത്സയിലുള്ളത്.
ആഗസ്റ്റ് അഞ്ച് വരെയുള്ള കണക്കുപ്രകാരം രാജ്യത്ത് ഇതുവരെ 2,21,49,351 കൊവിഡ് ടെസ്റ്റുകളാണ് നടത്തിയത്. ഇന്നലെ മാത്രം 6,64,949 ടെസ്റ്റുകൾ നടത്തിയതായി ഐസിഎംആർ അറിയിച്ചു. മഹാരാഷ്ട്രയിൽ നിലവിൽ 1,46,268 പേരാണ് കൊവിഡ് ബാധിച്ച് ചികിത്സയിലുള്ളത്. 16,476 പേർ സംസ്ഥാനത്ത് മരിച്ചിട്ടുണ്ട്. തമിഴ്നാട്ടിൽ കൊവിഡ് ബാധിച്ച് 4,461 പേരാണ് മരിച്ചത്. നിലവിൽ 54,184 പേർ ചികിത്സയിലുണ്ട്. ഡൽഹിയിൽ 4,044 പേർ കൊവിഡ് ബാധിച്ച് മരിച്ചു.
content highlights: India records 56,282 fresh Covid-19 cases and 904 deaths in the last 24 hours
