കോഴിക്കോട്: കൊവിഡ് വ്യാപനം രൂക്ഷമായിക്കൊണ്ടിരിക്കുന്ന കോഴിക്കോട് പേരാമ്പ്ര മാര്‍ക്കറ്റില്‍ ആളുകള്‍ കൂട്ടം കൂടി സംഘര്‍ഷം സൃഷ്ടിച്ചതിനെതിരെ നടപടിയെടുത്ത് ജില്ലാ ഭരണകൂടം. സംഘര്‍ഷ പ്രദേശത്ത് ആ സമയത്ത് ഉണ്ടായിരുന്ന എല്ലാവരോടും റൂം ക്വാറന്റൈനില്‍ പ്രവേശിക്കണമെന്ന് ജില്ലാ കളക്ടര്‍ നിര്‍ദ്ദേശം നല്‍കി. ഇവര്‍ തൊട്ടടുത്തുള്ള പ്രാഥമിക കേന്ദ്രവുമായി ബന്ധപ്പെടണമെന്നും ഏഴ് ദിവസത്തിന് ശേഷം കൊവിഡ് ടെസ്റ്റ് നടത്തണമെന്നും കളക്ടര്‍ അറിയിച്ചു.
Clash between workers of @CPIMKerala and @iumlofficial at #Perambra fish market (Kozhikode) today morning. Many said to be injured. @NewIndianXpress@xpresskerala@MSKiranPrakash pic.twitter.com/ORF65pTaOF
— Amiya Meethal (@amiya_TNIE) August 20, 2020
പേരാമ്പ്ര മാര്‍ക്കറ്റില്‍ മീന്‍വില്പനക്കാരില്‍ കൂടുതലും എസ്ടിയു പ്രവര്‍ത്തകരാണ്. തങ്ങളുടെ കൂടുതല്‍ പ്രവര്‍ത്തകര്‍ക്ക് മീന്‍ വില്‍ക്കാന്‍ അവകാശം വേണം എന്ന് ആവശ്യപ്പെട്ട് സിഐടിയു പ്രവര്‍ത്തകര്‍ പുറത്തുനിന്നുള്ളവരുമായി സംഘടിച്ചു എത്തുകയായിരുന്നു. ഇത് എസ്ടിയു പ്രവര്‍ത്തകര്‍ തടഞ്ഞതോടെയാണ് സംഘര്‍ഷം ഉടലെടുത്തത്.
സിഐടിയു-എസ്ടിയു പ്രവര്‍ത്തകരാണ് പേരാമ്പ്ര മത്സ്യ മാര്‍ക്കറ്റില്‍ സംഘര്‍ഷം സൃഷ്ടിച്ചത്. പതിനഞ്ചോളം പേര്‍ക്ക് സംഘര്‍ഷത്തില്‍ പരിക്കേറ്റിട്ടുണ്ടെന്നാണ് റിപ്പോര്‍ട്ട്. ഇവരെ കോഴിക്കോട്ടെ സ്വകാര്യ ആശുപത്രിയിലും മറ്റ് ആശുപത്രികളിലുമായി പ്രവേശിപ്പിച്ചു.
Content Highlight: District Collector take action on Perambra Market Conflict
