ധ്യാൻ ശ്രീനിവാസൻ നായകനായെത്തുന്ന കടവുൾ സകായം നടനസഭ എന്ന ചിത്രത്തിന്റെ ടൈറ്റിൽ പോസ്റ്റർ പുറത്തു വിട്ടു. മോഹൻ ലാലാണ് ഫേസ്ബുക്കിലൂടെ ചിത്രത്തിന്റെ ടൈറ്റിൽ ലോഞ്ചിംഗ് നിർവഹിച്ചത്. നവാഗതനായ ജിത്തു വയലിലാണ് ചിത്രം സംവിധാനം ചെയ്യുന്നത്. ബിപിൻ ചന്ദ്രനാണ് ചിത്രത്തിന്റെ തിരക്കഥയും സംഭാഷണവും ഒരുക്കുന്നത്. ചിത്രത്തിൽ സത്യനേശൻ നാടാരായാണ് ധ്യാൻ എത്തുന്നത്.
വടക്കൻ തിരുവിതാംകൂർ പശ്ചാത്തലമാക്കി ഒരുങ്ങുന്ന ചിത്രമാണിത്. ചിത്രത്തിന്റെ ടൈറ്റിൽ പോസ്റ്ററിൽ തന്നെ സത്യനേശൻ നാടാരായി ധ്യാൻ ശ്രീനിവാസൻ എന്ന് ഉൾപെടുത്തിയിട്ടുണ്ട്. പേരു കൊണ്ട് വിത്യസ്തമായ ചിത്രത്തിന്റെ പോസ്റ്റർ ഇതിനോടകം സോഷ്യൽ മീഡിയയിൽ ഏറെ ശ്രദ്ധ നേടി കഴിഞ്ഞു.
Content Highlights; title launch of dhyan sreenivasan new movie
