മന്ത്രവാദ ചികിത്സക്കിടെ ബാലികയെ പീഡിപ്പിച്ച പൂജാരി അറസ്റ്റിൽ. ചിറയിൻകീഴ് മുടപുരം തെന്നൂർകോണം ക്ഷേത്രത്തിലെ പൂജാരിയും ചിറയിൻകീവ് സ്വദേശിയുമായ ശ്രീകുമാർ നമ്പൂതിരിയാണ് അറസ്റ്റിലായത്. പോക്സോ പ്രകാരമാണ് പൂജാരിക്കെതിരെ പൊലീസ് കേസെടുക്കുന്നത്.
കഴിഞ്ഞ ദിവസമാണ് കേസിന് ആസ്പദമായ സംഭവം നടക്കുന്നത്. ക്ഷേത്ര വളപ്പിലെ മുറിയിലായിരുന്നു ശ്രീകുമാർ ചികിത്സ നടത്തിയിരുന്നത്. ചികിത്സക്കായി ഇവിടെ എത്തിയ പെൺകുട്ടിയെ ഇയാൾ പീഡിപ്പിക്കുകയായിരുന്നു. മുറിയിൽ നിന്ന് രക്ഷപ്പെട്ട് ഓടിയ കുട്ടി ബന്ധുക്കളോട് വിവരങ്ങൾ പറഞ്ഞു. തുടർന്ന് പൊലീസിനെ അറിയ്ക്കുകയായിരുന്നു.
പ്രസാദം നൽകാമെന്ന് പറഞ്ഞ് പെൺകുട്ടിയെ ക്ഷേത്രവളപ്പിലെ സ്റ്റോറൂമിലേക്ക് വിളിച്ചിവരുത്തുകയായിരുന്നുവെന്നാണ് പൊലീസ് പറയുന്നത്. ആറ്റിങ്ങൽ ഡിവെെഎസ്പി എസ്.വെെ സുരേഷിൻ്റെ നിർദേശപ്രകാരം ചിറയിൻകീഴ് ഇൻസ്പെക്ടർ രാഹുൽ രവീന്ദ്രൻ്റെ നേതൃത്വത്തിൽ എ.എസ്.ഐമാരായ ഹരി, ഷജീർ, എസ്.സി.പി.ഒ ശരത് എന്നിവർ ചേർന്നാണ് പ്രതിയെ പിടികൂടിയത്.
content highlights: Rape case in Kerala, Pujari Arrested
