താര സംഘടനയായ എഎംഎംഎ നിർമ്മിക്കുന്ന ട്വൻ്റി ട്വൻ്റി മോഡൽ സിനിമയിൽ ഭാവനയുണ്ടാകുമോ എന്ന ചോദ്യത്തിന് മരിച്ച് പോയവരെ തിരിച്ചു കൊണ്ടുവരാനാകില്ലെന്ന് പറഞ്ഞ ഇടവേള ബാബുവിനെ പരിഹസിച്ച് പാർവതി തിരുവോത്ത്. ഒരു വിഡ്ഢിയെ കാണു, നാണം കെട്ട പരാമർശം എന്ന കാപ്ഷനോടെ റിപ്പോർട്ടർ ചാനലിലൂടെയുള്ള ഇടവേള ബാബുവിൻ്റെ പ്രതികരണവും പാർവ്വതി ഇൻസ്റ്റഗ്രാമിൽ പങ്കുവെച്ചു.
എഎംഎംഎയ്ക്ക് വേണ്ടി ദിലീപ് നിർമ്മിച്ച ട്വൻ്റി ട്വൻ്റിയിൽ ഭാവന നല്ല റോൾ ചെയ്തതാണ്. ഇപ്പോൾ ഭാവന സംഘടനയിൽ ഇല്ല. മരിച്ചുപോയവരെ തിരിച്ചുകൊണ്ടുവരാൻ കഴിയില്ലല്ലോ. അതുപോലെയാണ് ഇതെന്നും ഇടവേള ബാബു അഭിമുഖത്തിൽ പറഞ്ഞു. നടിയെ ആക്രമിച്ച കേസിൽ മൊഴി മാറ്റിയിട്ടില്ലെന്നും ഇടവേള ബാബു പറഞ്ഞു. പൊലീസ് എഴുതി ചേർത്ത തെറ്റായ കാര്യങ്ങളാണ് കോടതിയിൽ താൻ തിരുത്തിയതെന്നും താൻ അറിയുന്ന ദിലീപ് അത്തരമൊരു കാര്യം ചെയ്യില്ലെന്നും ഇടവേള ബാബു പറഞ്ഞു.
content highlights: Parvathy Thiruvoth against Idavela babu
