ആർജുൻ ദാസും വിനോദ് കിഷനും കേന്ദ്ര കഥാപാത്രങ്ങളായി എത്തുന്ന തമിഴ് ചിത്രം ‘അന്ധകാരം’ നവംബർ 24ന് നെറ്റ്ഫ്ലിക്സിൽ റിലീസ് ചെയ്യും. സംവിധായകനായ അറ്റ്ലിയാണ് ചിത്രം നിർമ്മിക്കുന്നത്. നവാഗതനായ വി വിഗ്നരാജൻ സംവിധാനം ചെയ്യുന്ന ചിത്രം എഫോർ ആപ്പിൾ പ്രൊഡക്ഷൻസിൻ്റെ ബാനറിൽ എലോങ്സെെഡ് പാഷൻ സ്റ്റുഡിയോസ് ആൻ്റ് ഒ ടു പിക്ച്ചേഴ്സിനൊപ്പം അറ്റ്ലിയും ചേർന്ന് ചിത്രം നിർമ്മിക്കുന്നു. പൂജ രാമചന്ദ്രൻ, മിഷ ഘോഷാൽ, മഹേന്ദ്ര മുള്ളത്ത്, ജീവ രവി, എന്നിവരും ചിത്രത്തിൽ അണിനിരക്കുന്നുണ്ട്. സൂപ്പർ നാച്ച്വറൽ ത്രില്ലറായാണ് അന്ധകാരം എത്തുക.
I am delighted that Andhaghaaram has found a home on Netflix. The film has been appreciated by many already &through @NetflixIndia, it will reach audiences around India and the world, who have a taste for stories, regardless of language. #Andhaghaaram pic.twitter.com/eIwag8Hp9Y
— atlee (@Atlee_dir) October 30, 2020
കാർത്തിക് ചിത്രം കെെതിയിലൂടെ ശ്രദ്ധേയനായ അർജുൻ ദാസ് ആദ്യമായി നായകവേഷത്തിൽ എത്തുന്ന ചിത്രമാണിത്. മിഥുൻ മാനുവൽ തോമസിൻ്റെ തിരക്കഥയിൽ അർജുനെ നായകനാക്കി അൻവർ റഷീദ് ഒരുക്കുന്ന ചിത്രവും വരാനിരിക്കുന്നു. ജീവ നായകനായ തമിഴ് ഹൊറർ കോമഡി ചിത്രം ‘സംഗിലി ബംഗിലി കദവ് തൊറെ’ ആയിരുന്നു എ ഫോർ ആപ്പിൾ പ്രോഡക്ഷൻസിൻ്റെ ബാനറിൽ അറ്റ്ലി നിർമ്മിച്ച ആദ്യ ചിത്രം .
content highlights: Tamil film ”Andhaghaaram” to release on Netflix next month
