24 മണിക്കൂറിനിടെ രാജ്യത്ത് 46254 പേർക്ക് കൂടി കൊവിഡ് സ്ഥിരീകരിച്ചു. രാജ്യത്തെ ആകെ കൊവിഡ് ബാധിതരുടെ എണ്ണം ഇതോടെ 8313877 ആയി ഉയർന്നു. 514 പേരുടെ മരണം കൂടി റിപ്പോർട്ട് ചെയ്തതോടെ രാജ്യത്തെ കൊവിഡ് മരണസംഖ്യ 123611 ആയി. കഴിഞ്ഞ 24 മണിക്കൂറിനിടെ സജീവ രോഗികളുടെ എണ്ണത്തിൽ 7618 കുറവാണ് രേഖപെടുത്തിയിട്ടുള്ളത്.
നിലവിലെ കൊവിഡ് രോഗികളുടെ എണ്ണം 533787 ആണ്. 7656478 പേരാണ് നിലവിൽ രോഗമുക്തി നേടിയത്. 24 മണിക്കൂറിനിടെ 53357 പേർ രോഗമുക്തരായി. രോഗമുക്തി നിരക്കിൽ ഇന്ത്യയാണ് മുൻപന്തിയിലെന്നാണ് കണക്കുകൾ സൂചിപ്പിക്കുന്നത്. ആഗോളതലത്തിലുള്ള കൊവിഡ് രോഗികളുടെ എണ്ണം 46223246 ആയി. മരണസംഖ്യ 12 ലക്ഷം കടന്നു.
Content Highlights; india covid updates today
